კვარაცხელია თბილისის "დინამოს" წინააღმდეგ - ხალხმრავლობა "დინამოზე"

AutoSharing Option
დღეს, 3 მაისს, ეროვნული ლიგის მე-11 ტურის 4 შეხვედრა გაიმართება. ყველაზე საინტერესო მატჩი "დინამო არენაზე" შედგება - თბილისისა და ბათუმის "დინამოები" ერთმანეთის წინააღმდეგ.

ხვიჩა კვარაცხელია მშობლიურ კლუბს დაუპირისპირდება. ბათუმელთა გარემარბი კარიერას თბილისის "დინამოში" იწყებდა. ეს შეხვედრას დამატებით ინტრიგასა და ელფერს სძენს. ასეთივე მდგომარეობაა სტუმართა სხვა წამყვანი მოთამაშეების, ირაკლი აზაროვისა და ზურიკო დავითაშვილის შემთხვევაშიც.

გია გეგუჩაძის გუნდმა გასულ ტურში გამარჯვებების სვლა შეაჩერა და ბოლნისის "სიონს" (1:1) დაუზავდა. გარდა ამისა, ტრავმა მიიღო და დღევანდელ შეხვედრას გამოტოვებს ეროვნული ლიგის საუკეთესო ბომბარდირი (9 გოლი,
2 საგოლე პასი) ჯოვინო ფლამარიონი. ტრავმირებულია (ხელი მოიტეხა) ცენტრალური მცველი ოლექსანდრ აზაცკიც.

რაც შეეხებათ თბილისელებს - ქუთაისში "ტორპედოსთან" სკანდალური დაპირისპირება ჰქონდათ, სადაც საბოლოოდ ტექნიკური გამარჯვება (3:0) "დინამოს" ჩაეწერა. ამავდროულად, სადისციპლინო კომიტეტმა თბილისელთა 2 მოთამაშე, გიორგი პაპავა და დმიტრი ანტილევსკი, დასაჯა. თუკი კახა ცხადაძის გუნდს ჩემპიონობისთვის ბრძოლა სურს, მაშინ დღეს გამარჯვება აუცილებლად სჭირდება. წინააღმდეგ შემთხვევაში ბათუმელთა უპირატესობა, როგორც ქულების, ასევე ფსიქოლოგიური თვალსაზრისით, ბევრად დიდი იქნება.

"დინამო არენაზე" შეხვედრა 19:00 საათზე დაიწყება და სტადიონზე ეროვნული ლიგისთვის უჩვეულო ხალხმრავლობას ველით.

ამავე დროს, მეორეადგილოსანი გორის "დილა" ქუთაისის "ტორპედოს" უმასპინძლებს, რომელსაც საშინაო შეხვედრებზე შეზღუდვები დაუწესდა.

დღესვე, 21:00 საათზე, "საბურთალო"-"გაგრა" და "თელავი"-"სიონი" შედგება, ტური კი ხვალ, 4 მაისს (21:00 სთ), "ლოკომოტივი"-"სამგურალით" დასრულდება.

altჩხუბი, ტრიბუნებიდან საგნების სროლა, მაყურებლების მოედანზე შევარდნა - "ტორპედოსა" და თბილისის "დინამოს" მატჩი ჩაიშალა [VIDEO]

altკვარაცხელია და ჯოვინო პირველივე ტაიმში შეცვალეს, ბათუმის "დინამო" მარცხს გადაურჩა [VIDEO]

მკითხველის კომენტარები / 19 /
სად შეიძლება ამ თამაშის ყურება, რომელი არხი აჩვენებს? საზღვარგარეთ ვიმყოფები, მადლობა წინასწარ
Lasha
18:54 03-05-2022
0
დღეს დინამო მოიგებს უეჭველი
ტორპედოელი
18:49 03-05-2022
0

ასევე დაგაინტერესებთ
სიახლეები პოპულარული