"სამგურალი" 18 წლის ნიგერიელი ლეგიონერით აროვოლო ჯამიუთი გაძლიერდა, - ამის შესახებ ინფორმაციას კლუბი "ფეისბუქის" გვერდით ავრცელებს:
"წყალტუბოს "სამგურალმა" 18 წლის ნიგერიელი ცენტრალური მცველი აროვოლო ჯამიუ დაიმატა.
კლუბის სპორტულმა დირექტორმა ბესიკ ხაჭიპერაძემ ახალწვეულს სიმბოლურად გუნდის მაისური გადასცა და წარმატებები უსურვა.
ჯამიუმ ფეხბურთის თამაში ნიგერიის ყველაზე დიდ ქალაქში ლაგოსში დაიწყო და რეგიონის ერთ–ერთ საუკეთესო საფეხბურთო აკადემიაში "Clique sports academy"-ში ვარჯიშობდა.
ტანმაღალი მცველი (196 სმ) საქართველოში გასულ წელს ჩამოვიდა და "სამგურალთან" ერთადაც ვარჯიშობდა, თუმცა მისი დამატება მხოლოდ წლეულს მოხერხდა.
ჯამიუმ "სამგურალის" რიგებში რამდენიმე
ამხანაგურ შეხვედრაში მიიღო მონაწილეობა. ასევე, ითამაშა "სამგურალი 2"-ის რიგებშიც და "დიდუბეს" წინააღმდეგ გოლიც გაიტანა".
![alt](/pictures/image50/f4ad002644d5986b2886640b47570146.jpg "ნიგერიელი მცველი "სამგურალში" ითამაშებს")
"სამგურალმა" განელი ნახევარმცველი დაიმატა
