საქართველოს ნაკრებისა და მოსკოვის "სპარტაკის" ნახევარმცველ ჯანო ანანიძეს ოპერაციას ოთხშაბათს, 28 მარტს გაუკეთებენ. ამის შესახებ "სპარტაკის" პრესცენტრი იტყობინება. ოპერაცია რომში, კლინიკა "ვილა სტიუარტში" ჩატარდება, სადაც ასევე ქირურგიული ჩარევა გიორგი ჯიქიასაც დასჭირდა.
შეგახსენებთ, რომ ანანიძემ ტრავმა 24 მარტს მიიღო და მას მარჯვენა მუხლის ჯვარედინი მყესები აქვს გაწყვეტილი, რომლის მკურნალობასაც, დაახლოებით, ნახევარი წელი ესაჭიროება.
