საქართველოს ნაკრები ერთ-ერთ ყველაზე უხერხულ და უარყოფითი ბალანსის მქონე მეტოქე - 2004 წლის ევროპის ჩემპიონ საბერძნეთთან სათამაშოდ ემზადება. ოთარ კიტეიშვილის გარდა, საბედნიეროდ, სხვა დანაკლისს ავცდით და "ჯვაროსნებში" კონკურენციის ნიშნებიცაა.ვილი სანიოლს შემადგენლობის შერჩევისას გარკვეულ პოზიციებზე მეტი ფიქრი დასჭირდება. მთავარია, ფრანგმა სპეციალისტმა ერთი თვის წინანდელის მსგავს ექსპერიმენტებზე უარი თქვას.
გთავაზობთ საქართველოს ნაკრების ჩვენებურ შემადგენლობას:
გიორგი ლორია - მეკარის პოზიციაზე ისევ საქართველოს ნაკრებისა და "ანორთოსისის" პირველი ნომერი უნდა ვიხილოთ.
ოთარ კაკაბაძე - გრიგოლ ჩაბრაძის დისკვალიფიკაცია მარჯვენა მცველის პოზიციაზე როტაციას გ
დავით ხოჭოლავა - "კოპენჰაგენის" ფეხბურთელი კლუბში მშვენივრად გამოიყურება და იმედი გვაქვს, სანაკრებო შეხვედრებსაც შესაბამის დონეზე ჩაატარებს.
ლუკა ლოჩოშვილი - გურამ კაშიას დისკვალიფიკაცია, ლაშა დვალის დიდხნიანი უთამაშებლობა, საბა ხვადაგიანის გამოუცდელობა - ამ ფაქტორების გათვალისწინებით, "ვოლფსბერგერის" მცველს, დიდი ალბათობით, სასტარტო შემადგენლობაში ვიხილავთ.
ირაკლი აზაროვი - ბათუმის "დინამოს" მოთამაშე სანიოლის სათამაშო სქემებს კარგად ერგება. ის ნახევარმცველის პოზიციაზეც გამოიცადა. დაცვით ფაზაში ირაკლი შეცდომებს უშვებს, თითქოს ამ პოზიციაზე დამკვიდრებული გურამ გიორბელიძის სათამაშო პრაქტიკა კი ისევ პრობლემურია.
ნიკა კვეკვესკირი - "ლეხის" 29 წლის ნახევარმცველს ფრანგი მთავარი მწვრთნელი გასულ შეხვედრებში არ დაეყრდნო და ამის გარკვეული ობიექტური საფუძველიც ჰქონდა, თუმცა ჩვენს ნახევარდაცვას ძალიან გაუჭირდა.
კვეკვესკირი ყოველთვის ბოლომდე იხარჯება და ცდილობს, დაცვასა და ნახევარდაცვას შორის კავშირი არ გაწყდეს. ის ჭკვიანი, მშვიდი მოთამაშეა და გრძელი პასით გამოირჩევა. იმედია, კარგ შეხვედრას ჩაატარებს.
სამწვრთნელო შტაბს გიორგი აბურჯანიას ალტერნატივის განხილვა შეეძლება, რომელსაც გოლის გატანის მიუხედავად, "ჟილ ვისენტეში" მაინც ცოტა დრო ეძლევა.
ჯაბა კანკავა - ნაკრების კაპიტანი "სლოვანში" ძველებურად მებრძოლია, თუმცა ვლადიმირ ვაისი როტაციას საკმაოდ ხშირად იყენებს და "ჯვაროსნების" ვეტერან კაპიტანს დასვენების საშუალებას აძლევს. ბერძნებს კარლოს ზაკა აკლიათ და მინდვრის ცენტრში ეს უპირატესობა უნდა გამოვიყენოთ.
საბა ლობჟანიძე - "ჰათაისპორის" ნახევარმცველი ნაკრებსა და გუნდში სხვადასხვა ასპექტში გამოირჩევა - თუკი "ჯვაროსნებში" ფლანგზე როგორც შეტევით, ასევე დაცვით ფაზაში ძალიან ბევრ სამუშაოს ასრულებს, თურქეთის ჩემპიონატში გოლები და შედეგიანი პასები აქვს. შესაძლოა, გარკვეული ფსიქოლოგიური ფაქტორიცაა, რომლის გადალახვის შემდეგ ის ნაკრების მაისურითაც სხვანაირად ათამაშდება.
ზემოხსენებული კონკურენცია კი სწორედ აქაა - მშვენიერი სანაკრებო დებიუტის მიუხედავად, სავარაუდოდ, გიორგი წიტაიშვილი შეტევის მარჯვენა ფლანგს სათადარიგოთა სკამიდან გააძლიერებს.
გიორგი ჩაკვეტაძე - ისე ჩანს, გიორგის "გენტის" ძირითად შემადგენლობაში გამოჩენისა და ოთარ კიტეიშვილის ტრავმის შემდეგ სანიოლს ბევრი ფიქრის შესაძლებლობა იმაზე - ჩაკვეტაძე არის თუ არა ბოლომდე მზად, 90 წუთი ითამაშოს, აღარ ექნება.
ბერძნებს აუცილებლად უნდა შევუტიოთ და გამარჯვებაზე ვიფიქროთ, ამისთვის კი მოედანზე მაქსიმალურად ბევრი შემოქმედებითი მოთამაშეა საჭირო.
სათადარიგოთა სკამზე თამაშის გაძლიერების რესურსი არის - ვაკო გვილია, თორნიკე ოქრიაშვილი... აუცილებლად უნდა აღინიშნოს, რომ ზურიკო დავითაშვილი წინა მატჩებში ენერგიულად გამოიყურებოდა და გოლის გატანაც მოახერხა.
ხვიჩა კვარაცხელია - კვარაცხელია ბრუნდება! ეს კი საქართველოს ნაკრებისთვის ძალიან ბევრს ნიშნავს და პირველ რიგში, ფსიქოლოგიური თვალსაზრისით. მასთან ერთად "ჯვაროსნებს" უფრო მეტად სჯერათ, რომ შეუძლიათ. ვილი სანიოლის სადებიუტო მატჩები ხვიჩამ აშკარად გაალამაზა.
გიორგი მიქაუტაძე - საქართველოს ნაკრებს ჰყავს ფორვარდი, რომელსაც საკმაოდ მაღალი დონის ჩემპიონატში გააქვს, მუდმივად უტევს, შემართულია და თანამედროვე ფეხბურთს ალღოს უღებს.
წინა შეხვედრებისგან განსხვავებით, სანიოლი "სერენის" შემტევს თავიდანვე უნდა დაეყრდნოს. პირვანდელ სიაში მისი ალტერნატივაც არც კი გამოუძახებია, თუმცა შემდეგ გუნდს გიორგი ქვილითაია შეუერთდა.
შემტევები კარგ ფორმაში - ნაკრების ფეხბურთელები მოახლოებული მატჩების წინ
"ჩაკვეტაძეს 2 წლამდე გაუცდა, კვარაცხელიას უამრავი სირთულე აქვს..." - ვილი სანიოლის პრესკონფერენცია
კვარაცხელიასთან ერთად, ცვლილებებითა და ტრავმებით - სანიოლის არჩევანი
საქართველოს ნაკრებმა სრული შემადგენლობით ივარჯიშა [VIDEO]
სხვათა შორის რაც შენ დაწერე შეიძლება მაგ გინდმა მართლა კარგად ითამაშოს და უცებ-ღარიბი რო ლატარიაში მოიგებს ისე დაგვემართოს. ლოგიკურად 3-9 წამგები გუნდია რაც შენ დაწერე და კი ვხვდებით ირონიას,მაგრამ მე ასე წარმომიდგენია 2 მცველია და დანარჩენი ბურთზე დაგეშილი სხარტი შემტევი ბიჭები.მაგ გუნდმა რაც შენ დაწერე შეიძლება გერმანიას და საფრანგეთს მოუგოს.
იმიტო კი არა რო მაგრები არიან-არც ერთი არაა მაგარი. იმიტომ რომ ეს შეიძლება რაღაც ახალი სიტყვა იყოს ფეხბურთში-როგორც ტოტალური ფეხბუთი შემოიტანეს ჰოლანდიელებმა თავის დროზე. ანუ ტოტალური შეტევა,იმის დავალებით რასაც გვარდიოლას ბარსა აკეთებდა-ბურთის დაკარგვისთანავე ელვისებური კოლექტიური ართმევა.
ამ ტაქტიკის მინუსები-1არ არის ბევრი ართმევაზე ორიენტირებული ფეხბურთელი(ზოგს პადკატიც არა აქვს გაჯეთებული არასდროს)
2 მეორე სართული-სტანდარტების დროს გაგვიჭირდება.
პლიუსები-სისხარტე,ბურთის კონტროლი და როცა ბურთი გვაქვს არ ვეძებთ იმას "ვინც იცის" რადგან ყველამ იცის. შეტევა მრავალსვლიანი კომბინაციებით და არა ბურთით წვალება და თავისუფალი კაცის ძებნა(მერე უკან პასი).
რა თქმა უნდა საბერძნეთთან ასეთი რამის გაკეთება ოფიციალურ თამაშში სისულელეა,მაგრამ მე ასე მესმის ვთქვათ ამხანაგური თამაში და ექსპერიმენტი-
და არა ხვადაგიანის და წყალტუბოს თავდამსხმელის დაყენება იმ იმედით რო ნაკრების "დონეს გაქაჩავს" და ფასი გაუხუთმაგდება.
მაშინ თუ მარტო შეტევაზეა საქმე ჯანი გავარდეს და ყველას ერთად დავაწყებინოთ. გული რომ არ დაწყდეს არავის =)
ლორია
დავითაშვილი-ხოჭოლავა-ლოჩოშვილი-წიტაიშვილი
კანკავა-გვილია
ლობჟანიძე-ჩაკვეტაძე-კვარაცხელია
მიქაუტაძე
წავაგებთ მარა ხო შევუტევთ =)
არ არის საჭირო ცენტრში წამრთმევი ჯაბა და პასის მიმცემი კვეკვე,მარტო ჯაბა საკმარისია,თან უკან 4 მცველი უდგას და სახლში ვთამაშობთ და ჯაბას წინ ჩაკვეს და ოქრიააც შეუძლიათ კაცის აყვანა. თან წინ მარტო ჟორჟი არ იქნება-ოქრი დაეხმარება.
მე ასე დავაგენებდი