ჩენი გუნდის მწვრთნელმა სანიოლმა მაკედონიასთან შეხვედრისგან განსხვავებით სასტარტოში ოთხი ცვლილება განახორციელა, მისმა შეგირდებმა ხელოვნურსაფარიან მოედანზე თავიდანვე შეუტიეს, რამდენიმე მომენტის გამოუყენებლობის შემდეგ კვარაცხელიამ პენალტი გამოიმუშავა და „დაზარალებულმა“ თავად დაგვაწინაურა. საქართველოს ნაკრები დიდ ტერიტორიულ და სათამაშო უპირატესობას ფლობდა, მაგრამ მთელი გუნდით დაცვაში ჩამდგარ მეტოქესთან შესვენებამდე ანგარიშის გაზრდა ვერ მოახერხა, მასპინძლებს კი გატანა ლორიამ არ დაანება და პირველი ტაიმი 1:0 მოვიგეთ.
მეორე ტაიმი წიტაიშვილის ჩინებული დრიბლინგითა და გოლით დაიწყო. თამაშის სურათი არც ამის მერე არ შეიცვალა, საქართველოს ნაკრები უტევდა, ხოლო გიბრალტარი კონტრიერიშებით გვპასუხობდა და ანესლიმ ანგარიში შეამცირა. ამას მოწინააღმდეგის მორიგი სახიფათო შეტევა მოჰყვა, როდესაც პენალტს ითხოვდნენ (ბურთი ხელზე კაკაბაძეს მოხვდა), თუმცა მსაჯმა წესების დარღვევა არ დააფიქსირა. შემდეგ სწრაფი შეტევისას ლობჟანიძე მეკარესთან პირისპირ გავიდა, მის მიერ დარტყმული ბურთი ბანდამ მოიგერია და არცთუ დამაჯერებელი თამაშით არცთუ დამაჯერებელი გამარჯვება მოვიპოვეთ.
საქართველოს ნაკრებმა С ჯგუფი პირველადგილოსნებს შორის საუკეთესო მაჩვენებლით დაასრულა და თუ ვის უმასპინძლებს ევროპის ჩემპიონატზე გასასვლელი ნახევარფინალის პლეი-ოფში, 27 სექტემბერს საბერძნეთისა და ჩრდილოეთ ირლანდიის შეხვედრის შემდეგ გაირკვევა.
ამ მომენტისთვის С დივიზიონიდან პლეი-ოფში გასული გუნდების მაჩვენებლები
საქართველო - 6 მატჩში 16 ქულა (ბურთების შეფარდება 16:3).
თურქეთი - 6 მატჩში 13 ქულა (18:5).
ყაზახეთი - 6 მატჩში 13 ქულა (8:6).
საბერძნეთი - 5 მატჩში 12 ქულა (7:1).
საქართველოს ეროვნულმა გუნდმა ბოლო 11 მატჩიდან 9 მოიგო, 2 ფრედ დაასრულა და ისტორიაში 11-მატჩიანი წაუგებელი სერიით თავისი რეკორდი დაამყარა. გურამ კაშიამ „ჯვაროსნებში“ მე-100 შეხვედრა ჩაატარა.
გიბრალტარი. „ვიქტორია სთედიუმი“
გიბრალტარი - საქართველო 1:2
გოლები: 0:1 კვარაცხელია (19), 0:2 წიტაიშვილი (49), 1:2 ანესლი (77)
გიბრალტარი: ბანდა, ლოპესი, ოლივერო, რ. ჩიპოლინა, ანესლი, ტორილია (მორგანი 84), უაისმანი (სერგენტი 73), რონანი (სტიჩი 63), უოკერი, ბრიტო (ჯ. ჩიპოლინა 84), კაშიარო
საქართველო: ლორია (მამარდაშვილი 46), კაკაბაძე, კაშია, ხოჭოლავა, ლობჟანიძე (ლოჩოშვილი 89), კვეკვესკირი, მექვაბიშვილი, აზაროვი (დავითაშვილი 60), წიტაიშვილი, კვარაცხელია (ყაზაიშვილი 72), ზივზივაძე (მიქაუტაძე 60)
![alt](/pictures/image50/222e7018b6c6da2691eaa5a8d2076f72.jpg ""ჯვაროსანთა" მორიგი გამარჯვება (არადამაჯერებელი), რეკორდი და პლეი-ოფის ნახევარფინალის მასპინძლობა")
მატჩის დღე! გიბრალტარში გამარჯვების მნიშვნელობა და ცვლილებები შემადგებლობაში
მაშინ იყო: ყიფიანი, გუცაევი, დარასელია, ჩივაძე, სულაქველიძე, შენგელია,....
ორი წლის წინ იყო ჩაკვე, ეხლა კვარა...
დღეს რა მდგომარეობაა?
მე არ ვამბობ, რომ სხვებს ვერ დაეყრდნობი, მაგრამ აქ უკვე მწვრთნელის საქმეა...
კარგი იქნებოდა 3-4 თამაში კვარას გარეშე, რომ გაირკვეს რა დონეზე ვართ, მაგრამ როგორ?
კომენტარებს იშვიათად ვწერ, მოკლედ, როგორც 2-3 წლის წინ ჩაკვემ გვათრია, ასევე ახლა კვარა ათრევს გუნდს. ცუდია, როცა ერთ კაცზეა ბევრი რამ დამოკიდებული... ნახევარ-ფინალში ან ფინალში კვარა რომ ვერ იყოს, შედეგი ადვილი გამოსაცნობია.... ღმერთმა დაგვიფაროს... მეორე, ძალიან სუსტები ვართ მაღალ სტანდარტულებში. გიბრალტარი ზედიზედ 4-ჯერ რომ ჩამოგაწვდიის, სხვა რაღას გიზაავს? იქნებ, ფული ავაგროვოთ და ბიჭებს სახტუნაოები ვუყიდოოთ?... და ბოლოს, არ მინდა გვარებით, მაგრამ ზოგიერთი ფეხბურთელი ნაკრებიდან აპირებს პენსიაში გასვლაას? ადრე სულ ვამბობდით ხოლმე, წავაგეთ, მაგრამ ღირსეულადო, ახლა ვიგებთ, მაგრამ აშკარა დაუკმაყოფილებლობის გრძნობა გვრჩება...