21 მარტს საქართველოს ნაკრები ევროპის ჩემპიონატზე გასასვლელი პლეი-ოფის ნახევარფინალში ლუქსემბურგს უმასპინძლებს.
ლუქსემბურგის ნაკრების 26 წლის ნახევარმცველმა დანიელ სინანიმ ევროპირველობის შესარჩევი ტურნირის ბოლო მატჩში ლიხტენშტაინთან წითელი ბარათი მიიღო და ავტომატურად შემდეგ შეხვედრას გამოტოვებს. ლუქსემბურგის ფეხბურთის ფედერაციამ უეფას სინანის დისკვალიფიკაციის გაუქმება მოსთხოვა, მაგრამ უარი მიიღო. ასე რომ, "სანკტ პაულის" ფეხბურთელი თავის გუნდს "ჯვაროსნებთან" ვერ დაეხმარება.
აგრეთვე გავრცელდა ინფორმაცია, რომ "მონცას" 25 წლის თავდამსხმელმა დანი მოტამ ლუქსემბურგის ეროვნულ გუნდში თამაშზე უარი თქვა. ის ლუქსემბურგის ქალაქ ნიდერკორნშია დაბადებული, თუმცა წარმოშობით პორტუგალიელია და ამ ქვეყნის
ახალგაზრდული ნაკრების წევრი იყო.
ლუქსემბურგთან მატჩში დისკალიფიკაციის გამო მონაწილეობას ვერ მიიღებს ხვიჩა კვარაცხელია, მაგრამ თუ ჩვენმა გუნდმა ნახევარფინალში გაიმარჯვა, ფინალში ითამაშებს.
ჯგუფში ინგლისს ავცდით - ერთა ლიგაზე საქართველოს ნაკრების მეტოქეები გაირკვა
