იტალიური მედია დეტალურად გადმოსცემს "ჯვაროსნების" ევრო 2024-ზე მიღწეულ წარმატებას და აღწერს, თუ როგორი სიხარული სუფევს ამჟამად საქართველოში. ხვიჩა კვარაცხელიას პორტუგალიასთან დიდებულმა თამაშმა და ნამატჩევს მისმა Rai Sport-თან ნათქვამმა, რომ არ იცის, დარჩება თუ არა "ნაპოლიში", იმდენად დააფრთხო კლუბის პრეზიდენტი აურელიო დე ლაურენტისი, რომ მეორე დილით 7 საათზე გადაფრინდა გერმანიაში და თან სპორტული დირექტორი ჯოვანი მანა, გენერალური დირექტორი ანდრეა კიაველი და ადვოკატი მატია გრასანი იახლა.
დე ლაურენტისთან დაახლოებულმა ჟურნალისტმა კარლო ალვინომ განაცხადა, რომ შეხვედრა დიუსელდორფის აეროპორტის მახლობლად სასტუმროში შედგა, ორ საათს გასტანა
და პოზიტიური შედეგი გამოიღო.
ANSA-ს მტკიცებით, მინი-სამიტზე კვარაცხელიას ხელფასის მნიშვნელოვნად გაზრდა და კონტრაქტის განახლების სანაცვლოდ მასში გაწყვეტის პუნქტის შეტანა შესთავაზეს, რაც ძალიან მაღალი თანხის გადახდის შედეგად იქნება შესაძლებელი და რაც მომავალში სატრანსფერო ბაზარზე დიდი წინადადებების მიღების საშუალებას მისცემთ.
"რეპუბლიკის" ცნობით, შეხვედრამ დადებითი შედეგები გამოიღო, რადგან საკმაოა ფეხბურთელის პსჟ-ის მიერ გადაბირების საშიშროება და მხარეები მოლაპარაკებებს ევროპირველობის შემდეგ განაახლებენ.
ჟურნალისტი ფაბრიციო რომანო წერს, რომ დე ლაურენტისმა ახალი მწვრთნელის, ანტონიო კონტეს მოთხოვნა გააჟღერა, რომელიც "კვარას" გუნდის პროექტში ცენტრალურ ფიგურად მოიაზრებს და ქართველს ვერ შეელევიან.
ამასთან დაკავშირებით რადიო Marte-ს ეთერში ჟურნალისტმა ენრიკო ფედელემ ისაუბრა: "წარმოგიდგენიათ, "ნაპოლის" ოთხი ხელმძღვანელი გერმანიაში ხვიჩასთან სასაუბროდ ჩავიდა. ამ სიშორეზე ხელშეკრულების გასახანგრძლივებლად წავიდნენ. წინასწარი შეთანხმება რომ არ ჰქონოდათ, არ გაემგზავრებოდნენ. ასეთ საკითხებში საკმაო გამოცდილება მაქვს, ვიცი, ადრე შეცდომები იქნა დაშვებული, ეს ცუდი მმართველობის შედეგია, ზოგიერთი დეტალი კონფიდენციალურად უნდა დარჩეს, მაგრამ ყველაფრის გამოსწორებაა შესაძლებელი და მთავარი კვარაცხელიასა და დი ლორენცოს გუნდში დატოვებაა".
![alt](/pictures/image50/e56376b59ba4f29fc1ab02d359e29448.jpg "დე ლაურენტისი "კვარას" დილაუთენია ეახლა და ორი საათი ესაუბრა")
დიუსელდორფში კვარაცხელია "ნაპოლის" ხელმძღვანელობას შეხვდა - ეს მოლაპარაკებების პირველი რაუნდი იყო
ამის გარდა ნებისმიერ ფეხბურთელს,ნებისმიერ დროს შეუძლია კონტრაკტის დარღვევა და გარდა ფინანსურისა დაედება აგრეთვე სპორტული სანქცია-ოთხთვიანი(განსაკუთრებულ შემთხვევაში-ექვსთვიანი) დისკვალიფიკაცია.
ამათ გარდა არსებობს აგრეთვე იტალიის შრომის კანონი, რომლიც საკმაოდ ლიბერალურია დაქირავებულის მიმართ, ოღონდ ამას დასჭირდება სასამართლო და გარკვეულ დროს წაიღებს.
ვისაც სიმართლე გაინტერესებთ, ეს წაიკითხეთ.
https://www.easportslaw.com/news/terminating-a-contract-between-football-club-and-a-player
https://www.easportslaw.com/news/unilateral-termination-of-a-football-players-contract
კონტრაქტი გაწყდება მარტივად "ცალმხრივი გაწყვეტა მიზეზის გარეშე", დანარჩენი სტანდარტუკად: მცირე კომპენსაცია გუნდს და მცირევადიანი დისკვალიფიკაცია
https://youtu.be/9Hcw8Kz13bE?si=Uvlvz_7eGoY0ab1V
- კარგი ბიჭია.
- კი, კი. ძალიან კარგი ბიჭია. ცოტა გაბრაზებული ვარ ხვიჩაზე.
- რატომ?
- შემპირდა, რომ მაისურს მომცემდა, და დღესაც არ მაქვს მისი მაისური.
- გამოაგდებს ესპანეთს ევროდან და საქართველოს ნაკრების მაისურს გაჩუქებს. გამოართმევ?
- კი! სიამოვნებით ჩამოვკიდებ სახლში მის მაისურს.