კახი მახარაძე უზბეკეთის ჩემპიონია, არველაძე მე-3 ადგილოსანი

AutoSharing Option
უზბეკეთის ჩემპიონატის დასრულებამდე ერთი ტურით ადრე, საქართველოს ნაკრების ყოფილი წევრის კახი მახარაძის ტაშკენტის "ლოკომოტივმა" ჩემპიონობა გაინაღდა და აზიის ჩემპიონთა ლიგაზე ითამაშებს.

უზბეკეთის ჩემპიონატის 29-ე ტურში "ლოკომოტივი" სამარყანდის "დინამოს" ეწვია და 5:1 დაამარცხა. მატჩში ძირითად შემადგენლობაში იყო 30 წლის ცენტრალური ნახევარმცველი კახი მახარაძე და 36 წლის ვეტერანი უზბეკეთის ნაკრების წევრი თემურ კაპაძე.

კახი მახარაძემ ამ სეზონში 33 მატჩი ჩაატარა გუნდის შემადგენლობაში, 1 გოლი და 1 საგოლე გადაცემა მიითვალა.

შოთა არველაძის ტაშკენტის "ფახთაქორი" "ნასაფ ქარშისთან" 4:0 დამარცხდა, მაგრამ მიუხედავად ამისა, მის გუნდს
განაღდებული აქვს მე-3 ადგილი და აზიის ჩემპიონთა ლიგის შესარჩევში თამაში.


მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული