დავით ხოჭოლავა უკრაინის ჩემპიონატის ტურის სიმბოლურშია

დავით ხოჭოლავას "შახტარმა" სტუმრად პოლტავის "ვორსკლა" ანგარიშით 2:0 დაამარცხა, ქართველმა მცველმა კი მოედანზე 90 წუთი გაატარა.

უკრაინულმა სპორტულმა გამოცემა Football.ua-მ საქართველოს ნაკრების ფეხბურთელი ტურის სიმბოლურ გუნდში შეიყვანა.

"იქიდან გამომდინარე, რომ დავით ხოჭოლავამ "ვორსკლას" სახიფათო ფორვარდ კოლომოეცს განძრევის საშუალება არ მისცა,  "შახტარის" დაცვის ცენტრში ყველაფერი მშვიდობიანად დასრულდა. ის პოზიციას კარგად არჩევდა და კრივცოვს კარგ პარტნიორობას უწევდა. შედეგად, პოლტაველმა მოთამაშეებმა უპირატესობას მხოლოდ რამდენჯერმე მიაღწიეს." - წერს გამოცემა.

25 წლის დავით ხოჭოლავამ მიმდინარე სეზონში უკრაინის პრემიერლიგაში 11 მატჩი ჩაატარა და ერთი გოლი გაიტანა.