"შახტარის" მცველმა დავით ხოჭოლავამ "ოლეკსანდრიასთან" მატჩში (2:1) გატანილი გოლი დედას მიუძღვნა.
დედის დღესთან დაკავშირებით დონეცკური გუნდის ფეხბურთელები მოედანზე სპეციალური მაისურებით გავიდნენ, ხოჭოლავას მაისურას წინა მხარეს დედის ფოტო ჰქონდა და ეწერა:"დე მიყვარხარ", უკანა მხარეს კი "ქეთი" ეწერა.
შეხვედრის დასრულების შემდეგ მან კლუბის საიტს მისცა ინტერვიუ.
- ჯერ კიდევ მატჩამდე ამბობდნენ, რომ გაგვიჭირდებოდა, რადგან "ოლეკსანდრია" ფიზიკურად ძალიან ძლიერი გუნდია. ვიცოდით, მძიმე ბრძოლა გველოდა. მთავარია, ჩემპიონობისკენ მორიგი ნაბიჯი გადავდგით.
- "შახტარმა" ანგარიში შენი ძალისხმევით გახსნა. შეგიძლია ის მომენტი გაიხსენო?
- ბურთი კარგად ჩამოაწოდეს, მე უბრალოდ საჭირო ადგილას აღმოვჩნდი და გავიტანე. შეიძლება ითქვას, გამიმართლა.
- სამივე გოლი კუთხურის შემდეგ გავიდა. ეს თანამედროვე ფეხბურთის ტენდენციაა თუ მხოლოდ ეპიზოდი?
- ვერ ვიტყვი, რომ სტანდარტები ჩვენი ყველაზე ძლიერი მხარეა, ვინაიდან უფრო მეტი გოლი სათამაშო სიტუაციებიდან გვაქვს გატანილი. "ოლეკსანდრიასთვის" კი ეს ერთ-ერთი მთავარი კოზირია. კი, ვემზადებოდით, ინდივიდუალურად უნდა აგვეყვანა მათი ფეხბურთელები. სამწუხაროა, რომ გოლგაუშვებელი სერია შევწყვიტეთ.
- თითქმის 1 000 წუთის მანძილზე გოლი არ გქონდათ გაშვებული...
- მართალი გითხრათ, წუთები არ დაგვითვლია, უბრალოდ ვცდილობდით გოლი არ გაგვეშვა. დღევანდელ შეხვედრაში ერთადერთი გულდასაწყვეტი გაშვებული გოლია.
- გატანილი გოლი ვის მიუძღვენი?
- გოლი და გამარჯვება დედას მივუძღვენი. მინდა ვთქვა, რომ ის ძალიან მიყვარს!
![ჩემპიონთა ლიგა. 1/8-ფინალი: "ლაიფციგს" გოლი არ ჩაუთვალეს, "რეალმა" გაიმარჯვა - "სიტი" ცალი ფეხით მეოთხედფინალშია [VIDEO]](/pictures/image7/7f5ab2c87187c5d71420637edfe93d09.jpeg "ჩემპიონთა ლიგა. 1/8-ფინალი: \"ლაიფციგს\" გოლი არ ჩაუთვალეს, \"რეალმა\" გაიმარჯვა - \"სიტი\" ცალი ფეხით მეოთხედფინალშია [VIDEO]")
!["რეალმა" კომპენსირებულ დროში მოიგო, "კოპენჰაგენი" ფრეს დასჯერდა [VIDEO]](/pictures/image7/9eb2d36effaaaa64e402e5f6163c0c8a.jpg "\"რეალმა\" კომპენსირებულ დროში მოიგო, \"კოპენჰაგენი\" ფრეს დასჯერდა [VIDEO]")
