პირველ თებერვალს, კვიპროსის ჩემპიონატის მე-17 ტურში "ანორთოსისმა" 3:0 დაამარცხა აუტსაიდერი "დოქსა".
"ანორთოსისის" მწვრთნელი თემურ ქეცბაია თასის მატჩებში მეკარე გიორგი ლორიას ასვენებს, ჩემპიონატზე კი კვლავ ათამაშა და კარი "მშრალად შეინახა". ბუბა დაუშვილმა შეუცვლელად ითამაშა და ყვითელი ბარათი მიიღო. ნიკა კაჭარავა სასტარტოში იყო და შესვენებაზე შეცვალეს. ჯანო ანანიძე 75-ე წუთზე შევიდა შეცვლაზე. თორნიკე ოქრიაშვილი ტრავმირებულია.
ფამაგუსტური გუნდი 39 ქულით ლიდერია, მეორეადგილოსან "ომონიას" 4 ქულით უსწრებს და 5 თებერვალს მეტად რთული შეხვედრა აქვს "აპოელთან".
ნამატჩევს ქეცბაიამ თქვა, რომ ადვილი გამარჯვება არ მოუპოვებიათ, პირველ ტაიმში პრობლემები ჰქონდათ, მეტოქე ბურთს უკეთ იჭერდა, მეორე ტაიმში უკეთ იასპარეზეს, ყოველ მესამე დღეს უწევთ თამაში, ახლა უნდა დაისვენონ და შემდეგი დაპირისპირებისთვის მოემზადონ.
მან კაჭარავაზეც გააკეთა კომენტარი:"არის მომენტები, როდესაც გოლი ვერ გაგაქვს. ახალგზრდაა, ნიჭიერი და იმედია, შემდეგ შეხვედრაში უკეთ გაირჯება".
ლარნაკა. "ანტონის პაპადოპულოსი"
ანორთოსისი - დოქსა 3:0
გოლები: 1:0 კალიციოსი (45), 2:0 კალტსასი (46), 3:0 ხრისტოფი (82)
![alt](/pictures/image50/84ef6f37e9c2f093a3144c49eb8b42da.jpg "ქეცბაიამ ლორია დააბრუნა - "ანორთოსისი" წინ მიიწევს")
ოვაციები ანანიძეს სადებიუტო მატჩში - კინაღამ ფეხი მოსტეხეს [VIDEO]
