ქართველების "როტორმა" რუსეთის ჩემპიონატის მე-18 ტურში ვოლგოგრადში 1:0 დაამარცხა "უფა" და მიმდინარე ტურნირზე პირველი საშინაო გამარჯვება მოიპოვა.
"როტორის" მწვრთნელმა ალექსანდრ ხაცკევიჩმა სასტარტოში დააყენა ზურიკო დავითაშვილი, ნიკოლაი ყიფიანი და ბექა მიქელთაძე, რომლებიც შესაბამისად 89-ე, 46-ე და მე-80 წუთებზე შეცვალა, ხოლო საბა კვირკველია დისკვალიფიცირებული იყო. შეუცვლელად ითამაშა ჯოვინო ფლამარიონიმ. უფელთა რიგებში შეუცვლელად ითამაშა ჯიმი ტაბიძემ.
73-ე წუთზე მეორე ყვითელი ბარათი მიიღო სტუმართა გუნდის მცველმა გრიგორი მოროზოვმა, ყიფიანის ნაცვლად შეცვლაზე შესულმა კამილ მულინმა კი 78-ე წუთზე გოლი გაიტანა.
![Sportall.Ge](/pictures/artimages/original/dedb2129a5387e59489e7a338865b913.jpg ""როტორის" ნანინანატრი გამარჯვება - "უფა" ჩივის, რომ მიქელთაძე მეორე მეკარე იყო")
აღშანიშნავია, რომ 69-ე წუთზე კარში დარტყმული ბურთი ხელზე მოხვდა მიქელთაძეს, მსაჯმა ნიკოლაი კაზარცევმა ვიდეოგამეორება ნახა და პენალტი არ დანიშნა. ამან "უფას" ხელმძღვანელობა აღაშფოთა. მათ სამსაჯო კომიტეტს მიმართეს და აღნიშნეს, რომ ვოლგორადელებს ორი მეკარე ჰყავდათ - იოსიპ ჩონდრიჩი და მიქელთაძე და ამიტომ დამარცხდნენ.
"როტორი" 11 ქულით უკანასკნელ, მე-16 ადგილზეა და 16 დეკემბერს ტულის "არსენალს" უმასპინძლებს.
![alt](/pictures/image50/448c69f0ccc2114c0abb117e1e4b436d.jpg ""როტორის" ნანინანატრი გამარჯვება - "უფა" ჩივის, რომ მიქელთაძე მეორე მეკარე იყო")
რუსული მედია დავითაშვილის პერსპექტივას აფასებს
![ვაკოს დუბლი და იშვიათი ამბავი ჩემპიონთა ლიგაზე - მსაჯმა ჯერ ტაიმი დაასრულა, შემდეგ გუნდები ისევ დააბრუნა... [VIDEO]](/pictures/image7/6927ea656037d9afca6e5252851fa865.jpg "ვაკოს დუბლი და იშვიათი ამბავი ჩემპიონთა ლიგაზე - მსაჯმა ჯერ ტაიმი დაასრულა, შემდეგ გუნდები ისევ დააბრუნა... [VIDEO]")
