24 წლის შემტევი ნახევარმცველი გიორგი ხარაიშვილი "გეტებორგიდან" "ფერენცვაროშში" გადავიდა, რომლის ღირსებასაც საქართველოს ნაკრების მცველი ლაშა დვალი იცავს.
ბუდაპეშტური კლუბი თავისი საიტით იტყობინება, რომ შვედეთის თასზე გამარჯვებულ ხარაიშვილს კონტრაქტი გაუფორმეს.
ხარაიშვილი "გეტებორგში" "საბურთალოდან" 2018 წელს გადავიდა და მის რიგებში 70 მატჩში 18 გოლი გაიტანა. გიორგის საქართველოს ნაკრებში 6 მატჩში 1 გოლი აქვს გატანილი.
"ფერენცვაროში" უნგრეთის ჩემპიონატის ლიდერია, უახლოეს მდევარ "პუშკაშ აკადემიას" 20 ტურის შემდეგ 16 ქულით უსწრებს და 14 თებერვალს სტუმრად "მეზოკოვეშდს" დაუპირისპირდება.
"ფერენცვაროში" სისტემატურად ასპარეზობს ჩემპიონთა ლიგაზე და ხარაიშვილისთვის ამ
გუნდში გადასვლა კარიერაში წინ გაგადგმული ნაბიჯია.
![alt](/pictures/image50/6a3790e686502d38bd06b03ee3262b76.jpg "ხარაიშვილი "ფერენცვაროშში" დვალთან გადავიდა")
გიორგი ხარაიშვილმა ოთხ თვეში მესამე ტრავმა მიიღო
