თურქულ შეკრებაზე "რუბინისა" და "როტორის" ამხანაგური მატჩი იმით იწვევდა ჩვენს ინტერესს, რომ ამ გუნდებში ქართველი ლეგიონერები თამაშობენ.
ყაზანურმა გუნდმა სპარინგი 3:0 მოიგო, თუმცა ჩვენებურებს თავი არ გამოუჩენიათ. "რუბინში" შესვენებამდე იყო მოედანზე ხვიჩა კვარაცხელია, "როტორში" შეუცვლელად ითამაშა ზურიკო დავითაშვილმა, საბა კვირკველია მე-40 წუთზე შევიდა შეცვლაზე, ხოლო გიორგი არაბიძესა და ნიკოლაი ყიფიანს შეხვედრაში მონაწილეობა არ მიუღიათ.
![Sportall.Ge](/pictures/artimages/original/fa9c55cb74947f4b06a2725f63d7e1e9.jpg ""რუბინი" - "როტორი" 3:0: ქართველმა ლეგიონერებმა ვერაფრით გაგვახარეს")
რა თქმა უნდა, საკონტროლო მატჩების მიხედვით ძნელია ფეხბურთელთა სათამაშო ფორმაზე იმსჯელო და იმედი ვიქონიოთ, ქართველები რუსეთის პრემიერლიგაში უკეთ გაირჯებიან.
"რუბინი" 21 თებერვალს ამხანაგურ მატჩში "კაირატს" შეხვდება,
28 თებერვალს კი ჩემპიონატზე მოსკოვში "სპარტაკს" დაუპირისპირდება.
"როტორი" კიდევ ორ საკონტროლო შეხვედრას გამართავს - 20 თებერვალს "ტორპედო-ბელაზს" და 23 თებერვალს "კაირატს" ეთამაშება, ხოლო 26 თებერვალს ჩემპიონატზე გასვლაზე "ტამბოვს" უნდა შეხვდეს, მაგრამ ამ კლუბს ფინანსური პრობლემები აქვს, შეიძლება ტურნირიდან ჩაეხსნას და არაა გამორიცხული, ეს მატჩი არ შედგეს.
![alt](/pictures/image50/9d90f6dc0275caf1378f638ecdbc9215.jpg ""რუბინი" - "როტორი" 3:0: ქართველმა ლეგიონერებმა ვერაფრით გაგვახარეს")
"რუბინი"-"როტორი" - კვარაცხელია და დავითაშვილი სასტარტო შემადგენლობაში არიან [LIVE]
![კვირკველიამ საუდის არაბეთში გაიტანა და თავისი გუნდის გამარჯვებას საფუძველი ჩაუყარა [VIDEO]](/pictures/image7/509f841b83c3ff0a4a531b9d823f7689.jpg "კვირკველიამ საუდის არაბეთში გაიტანა და თავისი გუნდის გამარჯვებას საფუძველი ჩაუყარა [VIDEO]")
