"ტოტენჰემი" ზაფხულის სატრანსფერო ფანჯრის პერიოდში გაძლიერებას განაგრძობს.
"დეზების" გულშემატკივართათვის რამდენიმე დღის წინ სუპერინფორმაცია გავრცელდა. გუნდმა "იუვენტუსიდან" 2020/21 წლების სერია A-ს ერთი საუკეთესო მცველი, არგენტინელი კრისტიანო რომერო დაიმატა, რომელიც გასულ სეზონში "ჯენოაში" იჯარით ბურთაობდა.
აღსანიშნავია კიდევ ისიც, რომ ლონდონელებმა "ატალანტადან" იჯარის წესით მეკარე გოლინი გადაიბირეს, რომელმაც უგო ლორისს კონკურენცია უნდა გაუწიოს და ძირითად შემადგენლობაში მოხვედრისთვის იბრძოლოს.
რა თქმა უნდა, "ტოტენჰემის" ფანებისთვის მაინც ყველაზე გასახარი კლუბში სონისა და ჰარი კეინის დარჩენაა.
პირველმა მათგანმა გუნდთან კონტრაქტი უკვე გაახანგრძლივა და "ტოტენჰემს" სიყვარული შეჰფიცა.
რაც
შეეხება კეინს, მას ლონდონელთა ბანაკის დატოვება ძალიან სურდა, თუმცა "დეზებმა" ინგლისის ნაკრების ფორვარდის სანაცვლოდ დიდი თანხა მოისურვეს, ის არავინ გადაიხადა და ჰარიც, ჭირვეულობის მიუხედავად, საწვრთნელ ბაზას დაუბრუნდა.
მოგეხსენებათ, რამდენიმე დღის წინ Sportall-მა ხვიჩა კვარაცხელიას აგენტ მამუკა ჯუღელთან ექსკლუზიური ინტერვიუ შემოგთავაზათ, სადაც მან დაადასტურა ინფორმაცია, რომ "ტოტენჰემს" ხვიჩა კვარაცხელიას დამატება ძალიან სურს.
თუ ეს ყველაფერი მართლაც ასე მოხდა და ხვიჩა პრემიერლიგაში აღმოჩნდა, ეს მისთვის მართლაც ბრწყინვალე შანსი იქნება და მსოფლიოს საუკეთესო ჩემპიონატში ვარსკვლავების გვერდით ითამაშებს.
![alt](/pictures/image50/b63b8fdfa29fbfdf1745bc1bb47b2536.jpg "გუნდში დარჩა კეინი და დაიმატეს უძლიერესი მცველი - თუ კვარაცხელია "ტოტენჰემში" გადავა, სუპერ შემადგენლობა დახვდება")
ხვიჩა 2 კლუბს განსაკუთრებით სურს, "მილანი" მათ შორის არაა - ექსკლუზივი მამუკა ჯუღელთან
![ხვიჩას გარეშე - "ნაპოლიმ" "უდინეზესთან" გამარჯვება ხელიდან გაუშვა [VIDEO]](/pictures/image7/aaaa678c571565c9c1b1215ef61a75dc.jpg "ხვიჩას გარეშე - \"ნაპოლიმ\" \"უდინეზესთან\" გამარჯვება ხელიდან გაუშვა [VIDEO]")
სასაცილოა ჩვენი ამბიციები. რუბინის ვარსკვლავები ტოტენჰემში არ გადადიან. მითუმეტეს, ბაიერნში და სხვა გრანდებში.
გეყოფათ. 2-3 წელიწადში მიხვდებით თუ რა სასაცილოა ეს ამბავი, მაგრამ მაშინ ეს აღარ გემახსოვრებათ და სხვა ქართველების გრანდებში "გადაყვანით" იქნებით დაკავებულები :)
"ტოტენჰემმა" დაიწყო მოლაპარაკებები ხვიჩა კვარაცხელიასთან. მოლაპარაკებები მიმდინარეობს ინგლისელი აგენტის დახმარებით. ხვიჩა მზად არის ლონდონში გადავიდეს.