პოლონეთის ექტრაკლასას მეხუთე ტურში ნიკა კვეკვესკირის "ლეხმა" საკუთარ მოედანზე "ლეხია" 2:0 დაამარცხა და ერთპიროვნულად გალიდერდა.
პოზნანში მატჩმა დიდი ინტერესი გამოიწვია, მიუხედავად წვიმიანი ამინდისა სტადიონზე გუნდის მხარდასაჭერად 14 652 მაყურებელი მივიდა და გამარჯვებით ძალიან გაიხარეს.
ანგარიში მე-17 წუთზე მიხაელ ისხაკმა გახსნა, ხოლო 62-ე წუთზე კვეკვესკირმა საჯარიმოდან დალაშქრა მეტოქის კარი. ეს "ლეხში" მისი პირველი გოლია. ნიკა 73-ე წუთზე შეცვალეს.
"ლეხი" 13 ქულით ლიდერია, მეორეადგილოსან "პოგონს" 3 ქულით უსწრებს და ამ გუნდს 28 აგვისტოს უმასპინძლებს.
![alt](/pictures/image50/ff2c84104e84c5fae14a584bff1458a1.jpg "კვეკვესკირმა "ლეხში" პირველი გოლი გაიტანა - მისი გუნდი ლიდერია [VIDEO]")
კვეკვესკირმა "ლეხში" ყველას მოაწონა თავი და კონტრაქტიც გაუგრძელეს
