დატოვებს თუ არა ხვიჩა სხვა ლეგიონერებთან ერთად "რუბინს"? - სლუცკიმ კითხვას უპასუხა

რუსეთის პრემიერლიგის მე-19 ტურში "რუბინი" სანქტ-პეტერბურგში 2:3 დამარცხდა "ზენიტთან". სტუმართა გუნდში 72-ე წუთამდე ითამაშა ხვიჩა კვარაცხელიამ, მაგრამ შედეგიანი მოქმედებით თავი ვერ გამოიჩინა, შეხვედრის შემდეგ კი ყაზანური გუნდის მწვრთნელმა ლეონიდ სლუცკიმ კლუბის საიტთან ისაუბრა და რუსული ფეხბურთის უმკაცრესად დასჯაზე ძალიან, ძალიან თავშეკავებული კომენტარი გააკეთა. ცხადია, ლეონიდ ვიქტორის ძე ჭკვიანი კაცია, ზოგიერთი რუსი მწვრთნელივით რუსეთის მხარდასაჭერი განცხადება არ გააკეთა, რადგან წინ იხედება.

- მე ვფიქრობ, ახლა ისეთი დროა, როდესაც... ძალიან მიხარია, რომ დღეს ვითამაშეთ და გვქონდა ბედნიერი შესაძლებლობა, ჩვენი საუკეთესო თვისებების, ნაკლოვანებების დემონსტრირება მოედანზე მოგვეხდინა. ვფიქრობ, მნიშვნელოვანია ყველა ფეხბურთელი მოედანზე გავიდეს და თავისი ოსტატობის დონე წარმოაჩინოს.

- პირველ დღეს ჩვენ მათთან შევიკრიბეთ, ეს თემა განვიხილეთ, მოვილაპარაკეთ იმაზე, რომ ერთად ვართ, ვიდრე სიტუაცია ამის საშუალებას გვაძლევს. მეტად ამ თემას არ დავბრუნებივართ.

როგორ შეიძლება კვარაცხელიამ რუსეთს თავი დააღწიოს?