ხვიჩას გარეშე - პსჟ-ს ისევ თამაშის შემოტრიალება მოუწია და ფინალში გავიდა [VIDEO]

AutoSharing Option
AUTO PLAY
საფრანგეთის თასის ნახევარფინალში პსჟ-მ ლიგა 2-ის „დიუნკერკი“ 4:2 დაამარცხა და ფინალში გავიდა, თუმცა დედაქალაქელთა თამაში კვლავ შორს იყო იდეალურისგან.

„პარი სენ ჟერმენის“ გარემარბი ხვიჩა კვარაცხელია დილით ავად გახდა, კლუბმა თავი დაიზღვია და ის პარიზში დაბრუნდა. ისევე როგორც „სენტ-ეტიენთან“ გასული მატჩი, პარიზულმა გუნდმა თამაში ცუდად დაიწყო, ორი გოლი გაუშვა, მაგრამ შესვენებამდე დემბელემ ანგარიში შეამცირა, შესვენების შემდეგ კი მარკინიოსმა გაათანაბრა. მერე ჟაუენის კარი მცველისგან რიკოშეტით დუემ დალაშქრა, კომპენსირებულ დროში დემბელემ დუბლი შეასრულა და საბოლოო შედეგი დააფიქსირა.

მეორე ნახევარფინალში დღეს „კანი“ „რეიმს“ უმასპინძლებს. ფინალი 24 მაისს ჩატარდება.

პსჟ 5 აპრილს ლიგა 1-ის 29-ე ტურში „ანჟეს“, ხოლო 9 აპრილს ჩემპიონთა ლიგის პირველ მეოთხედფინალურ მატჩში „ასტონ ვილას“ უმასპინძლებს.

ლილი. „პიერ მორუა“
დიუნკერკი - პსჟ 2:4
გოლები: 1:0 სასო (7), 2:0 ალ-საადი (27), 2:1 დემბელე (45), 2:2 მარკინიოსი (48), 2:3 დუე (62), 2:4 დემბელე (90+3)

altხვიჩას "ფრენას" ახლა საფრანგეთის თასზე ველით - "კოპა იტალიაზე" გამარჯვება ორ ქართველს შეუძლია...

მკითხველის კომენტარები / 6 /
გამოცდილი გუნდია იცის როდის რა უნდა გააკეთოს.
kaxa
16:17 02-04-2025
0
ამის შემდეგ რეალის და რეალ სოსიედადის სათასო მატჩზე გადავერთე და საოცარი დასასრული გამოვიდა.72 წუთზე სოსიედადმა მეორე ბურთი გაუტანა,2-1,მერე მესამეც მიაყოლა 80 წუთზე და თითქოს სენსაციის სუნი დადგა,მაგრამ 86 წუთზე,რეალმა უკვე ანგარიში გაათანაბრა.სტუმრებმა იპოვეს საკუთარ თავში ძალები და კიდევ ერთი გოლი გაუტანეს,რეალს.თამაში დამატებით დროშო გადავიდა,სადაც რუდიგერმა კიდევ ერთხელ გაათანაბრა ანგარიში 4-4და საბოლოო ჯამში,რეალი ფინალში გაიყვანა.არ ვიცი,რა!რეალს მართლაც ყველაფერი შეუძლია!ესპანეთში ,მაინც ბარსელონას გულშემატკივარი ვარ,მაგრამ ფილმში,"მეხუთე ელემენტი",მილა იოვოვიჩი რომ როლს ასრულებს,იმ უცხოპლანეტელი გოგოსავით,რეალს განსხვავებული,ორმაგი სიძლიერის დნმ აქვს და როცა სჭირდებათ,პოულობენ ძალას,შეუძლებელი გააკეთონ.
სოსო
02:29 02-04-2025
10

ასევე დაგაინტერესებთ
სიახლეები პოპულარული