საქართველოს ნაკრების 28 წლის თავდამსხმელმა ბუდუ ზივზივაძემ შეიძლება კარიერა პოლონეთის ექსტრაკლასას გუნდში გააგრძელოს.
mkszaglebie.pl-ის ცნობით, ზივზივაძის სამსახურით "ზაგლებიე" დაინტერესდა და ამჟამად მხარეებს შორის მოლაპარაკება მიმდინარეობს.
გასული წლის 11 ოქტომბერს "უიპეშტთან" ნამატჩევს მომხდარი ფაქტის შემდეგ ზივზივაძე დუბლებში გადაიყვანეს და მას გუნდის გამოცვლა უნდა. ბუდუს უნგრულ კლუბთან კონტრაქტი 30 ივნისამდე აქვს გაფორმებული.
რაც შეეხება "ზაგლებიეს" - 18-გუნდიან ჩემპიონატზე მე-15 ადგილზეა, ლიგაში დარჩენისთვის იბრძვის და ამ გუნდში გურამ გიორბელიძე და თორნიკე გაფრინდაშვილი თამაშობენ. ახლახან ლიუბინელებმა მწვრთნელი პიოტრ სტოკოვეცი გადააყენეს და მის ნაცვლად ვალდემარ
ფორლანიკი დანიშნეს, რომელმაც შემადგენლობის გაძლიერება მოითხოვა. იქიდან გამომდინარე, რომ ქართველი მალე თავისუფალი აგენტი გახდება, "ზაგლებიე" მის შეღავათიან ფასში შეძენას იმედოვნებს.
ბუდუს გასული წლის ზაფხულში პოლონური "შლიონსკი" ეპატიჟებოდა, თუმცა ტრანსფერი არ განხორციელდა.
ბუდუ ზივზივაძე "ფეჰერვარის" მეორე გუნდში დაშავდა და შესაძლოა, ოპერაცია დასჭირდეს
![ბუდუმ ისევ გაიტანა - "კარლსრუე" მერვედფინალში გავიდა [VIDEO]](/pictures/image7/8808a2b099aa9f48fda808d0e441a8bd.jpg "ბუდუმ ისევ გაიტანა - \"კარლსრუე\" მერვედფინალში გავიდა [VIDEO]")
![ზივზივაძის მეშვიდე გოლი - "კარლსრუე" სახლში "ჰერტასთან" დამარცხდა [VIDEO]](/pictures/image7/b1843d359540df3613abb84a9fbc8273.jpg "ზივზივაძის მეშვიდე გოლი - \"კარლსრუე\" სახლში \"ჰერტასთან\" დამარცხდა [VIDEO]")
![ბუდუ ზივზივაძემ "ჰერტას" გაუტანა [VIDEO]](/pictures/image7/fbf0cf211ebc8a3ce4fdea3a7df2014f.jpg "ბუდუ ზივზივაძემ \"ჰერტას\" გაუტანა [VIDEO]")
