იტალიურმა სერია A-მ სეზონის საუკეთესო ფეხბურთელად ხვიჩა კვარაცხელია დაასახელა.
ქართველმა შემტევმა ჩემპიონატის 33 მატჩში თავი 12 გოლითა და 10 საგოლე გადაცემით გამოიჩინა, რითაც 33-წლიანი პაუზის შემდეგ სკუდეტოს მოგებაში ლომის წვლილი დაიდო.
კვარაცხელია სადებიუტო სეზონში სამჯერ აღიარეს თვის საუკეთესო ფეხბურთელად და მთელი საფეხბურთო სამყაროს ყურადღება მიიპყრო.
სეზონის საუკეთესო თავდამსხმელად ვიქტორ ოსიმენი (ნაპოლი) აღიარეს, რომელიც 25 გატანილი გოლით ჩემპიონატის ბომბარდირია.
საუკეთესო მეკარე ივან პროვედელი (ლაციო) გახდა, საუკეთესო მცველი კიმ მინ ჯე (ნაპოლი), საუკეთესო ნახევარმცველი ნიკოლო ბარელა (ინტერი), ხოლო საუკეთესო ახალგაზრდა ფეხბურთელი ნახევარმცველი
ნიკოლო ფაჯოლი (იუვენტუსი).
გუშინ საუკეთესო მწვრთნელად ლუჩანო სპალეტი დაასახელეს, რომლის ხელმძღვანელობით "ნაპოლიმ" 33 წლის შემდეგ პირველად მოიპოვა სკუდეტო.
სპალეტი სერია A-ს სეზონის საუკეთესო მწვრთნელი გახდა
![ხვიჩას ჩინებული გოლი - "ნაპოლიმ" სტუმრად "მილანს" მოუგო [VIDEO]](/pictures/image7/d71138166875300b2e70a01ffd49fb61.jpg "ხვიჩას ჩინებული გოლი - \"ნაპოლიმ\" სტუმრად \"მილანს\" მოუგო [VIDEO]")
![კვარაცხელიამ "მილანს" დიდებული გოლი გაუტანა - "ნაპოლი" პირველი ტაიმის შემდეგ "მილანს" ამარცხებს [VIDEO]](/pictures/image7/3640ffd8eb2c721345cec50ea0ec412c.jpg "კვარაცხელიამ \"მილანს\" დიდებული გოლი გაუტანა - \"ნაპოლი\" პირველი ტაიმის შემდეგ \"მილანს\" ამარცხებს [VIDEO]")
კალაძე იყო სერია ა-ს წლის საუკეთესო ფეხბურთელი? ან წლის საუკეთესო მცველი? რამდენი წელი თამაშობდა სერია ა-ში?
რამხელა კლასი და ოსტატობა უნდა გქონდეს რომ მასეთ ლიგაში სეზონის საუკეთესო გახდე.
გავბედავ და ვიტყვი, რომ ყველა დროის ყველაზე დიდი ქართველი ფეხბურთელია
ხვიჩა თავისი მონდომებით (ჭილკიანობით) და ნიჭით მომავალ წელსაც არანაკლებ გაიბრწყინებს.. ერთ სეზონშიც კი საკმაოდ დაიხვეწა (თვალშისაცემია). დარტყმასაც უფრო ძლიერს თუ გახდის და თანაგუნდელებთან კომბინაციებს დაამუშავებს ეს შედეგები ერთი ორად გაიზრდება. მე პირადად ხვიჩას გამთამაშებლად დავაყენებდი ზელენსკისთან ერთად, შეეწყობიან ერთმანეთს და ადვილად გაჭრიან მეტოკეთა დაცვას