კიტეიშვილის "შტურმი" ფრეს დასჯერდა, მაგრამ ოქროს დუბლის შტურმზე წავიდა

ავსტრიის ბუნდესლიგის 29-ე ტურში „შტურმი“ გასვლაზე „ზალცბურგს“ დაუზავდა - 2:2.

„შტურმი“ პრასის დუბლით დაწინაურდა, მაგრამ მასპინძლებმა ანგარიშის გათანაბრება შეძლეს და ფრეს მიაღწიეს.

სტუმართა გუნდის ნახევარმცველი ოთარ კიტეიშვილი სასტარტოში იყო, მე-60 წუთზე ყვითელი ბარათი მიიღო და 69-ე წუთზე შეცვალეს. აღსანიშნავია, რომ "ზალცბურგმა" თამაშში გარდატეხის შეტანა მისი მოედნიდან გასვლის შემდეგ მოახერხა. ქართველის თამაში Sofascore-მ 6.9 ქულით შეაფასა, Flashscore-მ კი 6.8-ით.

3 ტურით ადრე „შტურმი“ „ზალცბურგს“ 3 ქულით უსწრებს, მეოთხე საჩემპიონო ტიტულთან ახლოსაა და თასის მოპოვებაც შეუძლია.

გრაცული გუნდი 1-ელ მაისს თასის ფინალში „რაპიდს“ შეხვდება, ხოლო 5 მაისს ჩემპიონატის მორიგ ტურში „ჰარტბერგს“ დაუხვდება.

ზალცბურგი. „რედ ბულ არენა“
ზალცბურგი - შტურმი 2:2