სტუმართა გუნდის ნახევარმცველი ზურიკო დავითაშვილი, რომელმაც „რეიმსთან“ მატჩი ავადმყოფობის გამო გამოტოვა, გამოჯანმრთელდა, მწვრთნელმა ეირიკ ჰორნელანდმა ძირითად შემადგენლობაში დააყენა და დებიუტში შეეძლო გატანა, მაგრამ დონარუმას კარს ოდნავ ააცილა ბურთი. შემდეგ უპირატესობას მასპინძლები დაეუფლენ და დემბელემ დედაქალაქელები დააწინაურა. ცოტა ხანში მან პენალტით დუბლი შეასრულა.
მეორე ტაიმში დავითაშვილმა თავის მიერვე მოპოვებული საჯარიმოდან დალაშქრა მეტოქის კარი და ანგარიში შეამცირა. მის ანგარიშზე მიმდინარე ტურნირზე 16 მატჩში 6 გოლი და 2 საგოლე გადაცემაა. ის 87-ე წუთზე რატომღაც შეცვალეს, ანგარიში კი არ შეიცვალა.
„სენტ-ეტიენი“ 16 ქულით მეთექვსმეტე ადგილზეა და 19 იანვარს „ნანტს“ უმასპინძლებს.
პარიზი. „პარკ დე პრენსი“
პსჟ - სენტ-ეტიენი 2:1
გოლები: 1:0 დემბელე (13), 2:0 დემბელე (23), 2:1 დავითაშვილი (64)
დღეს - ზურიკო პსჟ-ს წინააღმდეგ და "ქოჩორას" მატჩი - ის, რასაც სამი წელია ვწერდით, სრულდება?!
!["კვარა, გთხოვ, დარჩი... არ წახვიდე!" - რა ხდებოდა ნეაპოლში კვარაცხელიას სახლთან [VIDEO]](/pictures/image7/baa57d494d283840dba2a3edf4b2fbd4.jpg "\"კვარა, გთხოვ, დარჩი... არ წახვიდე!\" - რა ხდებოდა ნეაპოლში კვარაცხელიას სახლთან [VIDEO]")
