მოსკოვის "სპარტაკის" გარუსებულმა ქართველმა მცველმა გიორგი ჯიქიამ ინტერვიუ მისცა ყოველკვირეულ "ფუტბოლს" და აქო და ადიდა გუნდის მწვრთნელი მასიმო კარერა, რომელიც დიდად არ სწყალობს ჩვენი ნაკრების ნახევარმცველს ჯანო ანანიძეს:"კარერა და მე ვარჯიშზე ერთმანეთს მივესალმეთ და მაშინვე დაიწყო სერიოზული მუშაობა. მან ფეხბურთის საკუთარი ხედვა ამიხსნა და ყველაფერი აეწყო. საერთოდ, ის ძალზედ კარგი მოტივატორია. საჭირო დროს საჭირო სიტყვების მოძებნა შეუძლია. ერთსა და იმავეს ორჯერ არასოდეს გეტყვის. ყოველთვის ცდილობს, რაღაც ახალი მოიგონოს, ძველი განაახლოს. ამაში მდგომარეობს მისი მთავარი ღირსება. ყოველი თამაშის წინ ომახიანი
ჟურნალისტმა ინგლისის ნაკრების მწვრთნელის გარეთ საუთგეიტის ნათქვამი შეახსენა, რომელმაც ჯიქიაზე ბრძანა, თავით კარგად თამაშობს, კარგად არჩევს პოზიციას, ჭკვიანურად აზღვევს პარტნიორებს, თუ ასევე გააგრძელებს, თავისუფლად შეუძლია კარგ ევროპულ გუნდში გადავიდესო.
რა თქმა უნდა, გიორგის გახარებია ქათინაური, თანაგუნდელები კი თურმე ეანგლებოდნენ, რამდენი გადაუხადე ხოტბის შესხმაშიო?
ჯიქიამ რუსეთის ნაკრების შემადგენლობაში კონფედერაციათა თასზე ასპარეზობისას მეტოქე გუნდებიდან ჩილელი არტურო ვიდალი გამოყო, თუმცა, რა თქმა უნდა, ყველაზე მეტად რონალდო მოსწონს, რომლის მეურვეობაც მოხდა.
