ქუთაისის "ტორპედოს" მეტოქის მწვრთნელი: კენჭისყრის შედეგით კმაყოფილი ვარ

საქართველოს ჩემპიონის, ქუთაისის "ტორპედოს" მეტოქე ჩემპიონთა ლიგის პირველ საკვალიფიკაციო ეტაპზე მოლდოვას "შერიფია". წილისყრის შემდეგ კომენტარი ტირასპოლური გუნდის ხორვატმა მწვრთნელმა, გორან საბლიჩმა გააკეთა.

"პირველ რიგში მინდა ვთქვა, რომ კენჭისყრის შედეგით კმაყოფილი დავრჩი. ყველა მეტოქეები საკმაოდ სერიოზულები არიან და "ტორპედო" გამონაკლისი არაა. სასწრაფოდ უნდა შევისწავლოთ მოწინააღმდეგე და პირველი რაუნდისთვის სერიოზულად მოვემზადოთ. პირველი რიგის ამოცანა პირველი ეტაპის გადალახვაა. ჩვენ ეს შეგვიძლია.

ფახბურთელის კარიერისას "ტორპედოს" წინააღმდეგ არასოდეს არ მითამაშია. თუმცა, ვიცი, ქართველებს შემტევი ფეხბურთი უყვართ. რა თქმა უნდა, მეტოქეს პატივი უნდა ვცეთ, მისი არდაფასება არ შეიძლება.

პირველი თამაში საქართველოშია, თუმცა ჩვენთვის არა აქვს მნიშვნელობა პირველი მატჩი სად გაიმართება, მთავარია კარგად მოვემზადოთ და ორივე მატჩში მაქსიმალურად დავიხარჯოთ".

ამაზე უარის თქმა რთული იყო - "ტორპედომ" სლოვაკი ფეხბურთელი დაიმატა

მოლდოვის ჩემპიონი და ევროპა ლიგის გუნდი - რას წარმოადგენს "ტორპედოს" მეტოქე

კახა ჩხეტიანი: ერთი სიტყვით, "შერიფი" რთული მეტოქეა!