FIFA: საქართველოს ფეხბურთის ფედერაცია ამ სპორტს შესანიშნავად ავითარებს

AutoSharing Option
ფიფას ვებგვერდი საქართველოს ფეხბურთის ფედერაციასთან მუშაობით რუსთავის რეგიონული ტექნიკური ცენტრის განახლების შესახებ ინფორმაციას ავრცელებს, რომელსაც უცვლელად გთავაზობთ:

მეოცე საუკუნის დასაწყისში ინგლისელმა მეზღვაურებმა შავი ზღვის აკვატორიაში მდებარე ფოთის პორტის ტერიტორიაზე მცხოვრებ ადგილობრივ მოსახლეობას ლამაზი თამაში - ფეხბურთი გააცნეს. მას შემდეგ საქართველოს 5-მილიონიან პოპულაციაში ფეხბურთის ფანების რიცხვი იზრდება.

1990 წლამდე ქართველებს საკუთარი ეროვნული გუნდი არ ჰყავდათ, მათი ვარსკვლავები საბჭოთა კავშირის ნაკრებში თამაშობდნენ. დღეს საქართველოს ფეხბურთის ფედერაცია მსოფლიო ფეხბურთის დინამიკური და აქტიური წევრია, რომელიც ამ სპორტის სახეობას შესანიშნავად ავითარებს.

ბოლო წლებია სფფ სპორტული
ინფრასტრუქტურის განვითარებასა და განახლებაზე მუშაობს, მთელი ქვეყნის მასშტაბით, რაშიც ფიფას განვითარების პროგრამა მხარს დიდი ძალებით უჭერს.

ამბიციური მიზნის მისაღწევად, პირველი ნაბიჯი რუსთავის რეგიონული ტექნიკური ცენტრის განახლებით გადაიდგა, რომელიც სიდიდით საქართველოს მეხუთე ქალაქია და თბილისიდან 30 კილომეტრითაა დაშორებული. ტექნიკური ცენტრი საერთაშორისო სტანდარტებით კეთილმოეწყო და დამონტაჟდა როგორც მოედნის, ასევე გარე პერიმეტრის განათებები.

დამატებით სხვა ელექტროსისტემები დაემატა, მაგალითად, სრულმასშტაბიანი საფეხბურთო მოედნები. დღევანდელ საფეხბურთო სამყაროში ადეკვატური და სიცოცხლისუნარიანი განათებები საფეხბურთო მოედნისთვის ერთ-ერთი მთავარი ელემენტია, სტადიონის საერთაშორისო სტანდარტებში მოსაქცევად. ეს საშუალებას აძლევს ნებისმიერი ასაკის ფეხბურთელს, უსაფრთხოდ და ეფექტურად ივარჯიშოს.

2018 წელს, საქართველო გახდა პირველი გუნდი, რომელმაც უეფას ერთა ლიგის ჯგუფური ეტაპი გამარჯვებით დაასრულა. მათ ტურნირის ისტორიაში პირველი გოლი ყაზახეთს გაუტანეს. ეს წარმატება, ნაწილობრივ, საქართველოს ფეხბურთის ფედერაციის თითოეული წევრის შრომასაც მოჰყვა. ამ პროცესში ინფრასტრუქტურის როლი უმნიშვნელოვანესია.

საეჭვო არ არის, რომ ეს მხოლოდ დასაწყისია და საქართველოს ნაკრები და მისი მომავალი თაობა გრძელვადიან პერსპექტივაში ამ შრომიდან დიდ სარგებელს მიიღებს.
ტეგები:
მკითხველის კომენტარები / 8 /
კობიაშვილი და მისი გუნდი, ცალსახად, ძალიან პროდუქტიულად მუშაობენ და ამისთვის მადლობა ეკუთვნით
გიორგი
11:19 17-01-2019
0
მიდი კობი ჩვენ თავიდანვე გვჯეროდა შენი სიტყვის და საქმის კაცობის , თვალყურს ვადევნებ შეძლებისდაგვარად და გერმანული ბევრი კარგი იდეა შეუთავსა ქართულს და რაც მთავარია ინფრასტრუქტურას აუმჯობესებენ ყველაზე დაბალი ლიგებიდან დაწყებული რაც ყველაზე ჭკვიანური გამოყენებაა ფულის , მაგარი გუნდია ფედერაციაში როგორც ჩანს
lashe
02:19 17-01-2019
0

ასევე დაგაინტერესებთ
სიახლეები პოპულარული