ვაისი ბათუმელებთან მატჩამდე - ყველა პოზიციაზე 2 მოთამაშე გვყავს, "ჩაკვეს" "ბარსელონა" აკვირდებოდა...

გიორგი ჩაკვეტაძის ტრანსფერის შემდეგ და ბათუმის "დინამოსთან" მატჩის წინ ბრატისლავის "სლოვანის" მთავარმა მწვრთნელმა ვლადიმირ ვაისმა შვილთან, უმცროს ვლადიმირთან ერთად, პრესკონფერენცია გამართა.

"თუკი კარგად ვითამაშებთ, მაყურებელი აუცილებლად მოვა. ამის პირველი შანსი სწორედ 6 ივლისს, ბათუმის "დინამოსთან" გვაქვს. მჯერა, გუნდში გატარებული ცვლილებებისა და ჩვენი გამოცდილი მოთამაშეების წყალობით, ხალხი დაბრუნდება.

წელს ყველაზე დიდი ბიუჯეტით შევდივართ ევროთასებზე და თუკი გულშემატკივრები არ მოვლენ, გული ძალიან დაგვწყდება, ჩვენ მათთვის ვთამაშობთ."


"შეკრება ძალიან ხანმოკლე იყო, მაგრამ დავიმატეთ ის ფეხბურთელები, რომლებიც გვსურდა და მათ კარგად ვიცნობ - ჩაკვეტაძე, კუცკა, რამირესი...

ყველა პოზიციაზე 2 მოთამაშე გვყავს. ჩოვანი კარგი მეკარეა, მაგრამ კონკურენტი მასაც სჭირდება და ამ საკითხს ვაგვარებთ."


"გიორგი ძალიან ახალგაზრდა იყო, როცა "ერთა ლიგის" ჯგუფი მარტომ მოიგო. სამწუხაროდ, მუხლზე ჯვარედინი მყესების ოპერაცია გაიკეთა და ბევრი გაუცდა, თორემ "ბარსელონა", "ჩელსი" და "დორტმუნდი" აკვირდებოდნენ. ჩაკვეტაძეს უზარმაზარი პოტენციალი აქვს და დარწმუნებული ვარ, თუ ჯანმრთელად იქნება, ყველას გაგვახარებს."

შეგახსენებთ, ბრატისლავის "სლოვანი" და ბათუმის "დინამო" ჩემპიონთა ლიგის 1-ელ საკვალიფიკაციო ეტაპზე ერთმანეთს 6 (სლოვაკეთში) და 13 ივლისს დაუპირისპირდებიან.

ვიცი, რას მოითხოვს ვაისი - ჩაკვეტაძე წარადგინეს

ვის უნდა უფრთხოდეს კაშია ყველაზე მეტად? - ბათუმის "დინამოსი" გვეიმედება...