კოშმარი პოზნანში - ბათუმის "დინამო" უშანსოდ დამარცხდა [VIDEO]

კონფერენს ლიგის მეორე საკვალიფიკაციო ეტაპის პირველ მატჩში ბათუმის „დინამო“ სტუმრად „ლეხთან“ 0:5 დამარცხდა.

„ლეხის“ წარუმატებელი სტარტის გამო შეხვედრამ დიდი ინტერესი არ გამოიწვია, 43 269-იან სტადიონზე 8 ათასამდე გულშემტკივარი მივიდა. მასპინძლები თავიდანვე დაეუფლნენ უპირატესობას და სკორაშმა შორიდან დალაშქრა კუპატაძის კარი. შემდეგ მის მიერ საჯარიმოს გარედან დარტყმული ბურთი ძელს მოხვდა. ბათუმელებმა თამაშის დალაგება ვერ შეძლეს, კონტრშეტევა გაეპარათ და მეკარესთან პირისპირ გასულმა ველდემ მიზანს ვერ უწია. 24-ე წუთზე ამარალმა მეორე გოლი გაგვიტანა, 33-ე წუთზე კი სკორაშის დარტყმული ბურთი კობახიძეს მოხვდა და რიკოშეტით მესამე გოლი მივიღეთ.

შესვენების შემდეგ ბათუმელთა მწვრთნელმა გეგუჩაძემ ცვლილებებით თამაშის სურათის შეცვლა სცადა. აჭარულმა გუნდმა შეუტია, კონტრშეტევაზე კი კინაღამ მეოთხე გოლი გაგვიტანეს, როდესაც ველდეს დარტყმული ბურთი ზედ კარის ხაზიდან აზაცკიმ გამოიტანა. მერე მცველების შეცდომით ამარალმა ისარგებლა და დუბლი შეასრულა. ცოტა ხანში აზაროვმა შეცდომა დაუშვა და შეცვლაზე შესულმა წიტაიშვილმა შანსი ვერ გამოიყენა. სამაგიეროდ, კომპენსირებულ დროში იშაკმა გამოიყენა და 0:5 გავნადგურდით.

ამ გუნდების საპასუხო შეხვედრა 28 ივლისს ბათუმში ჩატარდება.

პოზნანი. „პოზნანი“
ლეხი - დინამო (ბთ) 5:0
გოლები: 1:0 სკორაში (10), 2:0 ამარალი (24), 3:0 სკორაში (33), 4:0 ამარალი (66), 5:0 იშაკი (90+4)

ლეხი: რუდკო, დუგლასი, შატკა (ჟერვინსკი 67), პერეირა, რებოჩო (კოზუბალი 89), სკორაში, კარლსტრიომი, კვეკვესკირი (სოუზა 80), ველდე (წიტაიშვილი 67), ამარალი (ჟიმჩაკი 89), იშაკი