მადრიდის "ატლეტიკომ" 23 წლის პორტუგალიელი ნახევარმცველის, ჟელსონ მარტინშის ტრანსფერის შესახებ გამოაცხადა.
2017/18 წლების სეზონში მარტინში "სპორტინგში" გამოდიოდა, შემდეგ კი თავისუფალი აგენტი გახდა. აღსანიშნავია, რომ ფეხბურთელს კლუბის გულშემატკივრებსა და ხელმძღვანელობასთან კონფლიქტი მოუვიდა და სწორედ ამიტომ მადრიდელებმა ის სრულიად უფასოდ აიყვანეს.
არადა, მარტინშის სატრანსფერო ღირებულება 35 მლნ ევროა.
"ატლეტიკომ" პორტუგალიელ ფეხბურთელთან 5-წლიანი კონტრაქტი გააფორმა.
ჟელსონ მარტინშმა მსოფლიოს 2018 წლის ჩემპიონატზე მხოლოდ ერთ მატჩში ითამაშა.
თუმცა ამბავი ამით არ დასრულებულა და "სპორტინგმა" მარტინშს ფიფაში უჩივლა.
"სპორტინგი" უარყოფს იმ არგუმენტებს, რომლის გამო მარტინშს პორტუგალიურ
კლუბთან კონტრაქტის გაწყვეტა აიძულა და კომპენსაციის სახით 50 მლნ ევროს ითხოვს.
Mundo Deportivo-ს ინფორმაციით, "ატლეტიკო" სპორტინგთან" მოლაპარაკებას ცდილობდა და პორტუგალიელებს 15 მლნ ევროს სთავაზობდა, თუმცა "სპორტინგს" აღნიშნული თანხა არ აწყობდა.
აქვე გეტყვით, რომ ზაფხულში "სპორტინგმა" ფიფაში მეკარე რუი პატრისიუსაც უჩივლა, რომელიც "ვულვერჰემპტონში" გადავიდა.
შეგახსენებთ, რომ "სპორტინგთან" კონტრაქტი ერთბაშად რამდენიმე ფეხბურთელმა გაწყვიტა. ამის მიზეზი კი ისაა, რომ კლუბის აგრესიული ფანები "სპორტინგის" ბაზის ტერიტორიაზე შეიჭრნენ.
ივნისში კი "სპორტინგის" პრეზიდენტი ბრუნუ დე კარვალიო გადააყენეს. მისი ქმედებების გამო გუნდში კრიზისი მოხდა.
![alt](/pictures/image50/f374f35c0a611b9f406b26aaabef2a2b.jpg "მადრიდის "ატლეტიკომ" 36 მლნ ევროდ შეფასებული პორტუგალიელი უფასოდ აიყვანა")
"ჩელსი" ოლივიე ჟირუს ყიდის, "ატლეტიკოს" კი მისი იჯარით აყვანა სურს
![ჩემპიონთა ლიგა. 1/4-ფინალი: დიდი ქამბექების საღამო - პსჟ და "დორტმუნდი" ნახევარფინალში გავიდნენ [VIDEO]](/pictures/image7/54ea9c43eaadd6e3922cacc1047f9535.jpg "ჩემპიონთა ლიგა. 1/4-ფინალი: დიდი ქამბექების საღამო - პსჟ და \"დორტმუნდი\" ნახევარფინალში გავიდნენ [VIDEO]")
![ჩემპიონთა ლიგა. 1/4-ფინალი: "ბარსამ", რომელსაც Puta უძახეს, პსჟ-ს მოუგო - "ატლეტიკომ" "დორტმუნდს" სძლია [VIDEO]](/pictures/image7/a6b0aea8db1590dd4ee5888757d08eb1.jpg "ჩემპიონთა ლიგა. 1/4-ფინალი: \"ბარსამ\", რომელსაც Puta უძახეს, პსჟ-ს მოუგო - \"ატლეტიკომ\" \"დორტმუნდს\" სძლია [VIDEO]")
!["ბარსელონამ" "ატლეტიკო" მადრიდში უშანსოდ დაამარცხა [VIDEO]](/pictures/image7/c99a5b59e4bdf04400448318bd29e2c9.jpg "\"ბარსელონამ\" \"ატლეტიკო\" მადრიდში უშანსოდ დაამარცხა [VIDEO]")
