კატალონიის "ბარსელონას" მთავარი მწვრთნელი ხავი დარწმუნებულია, რომ გუნდი ლევანდოვსკის ტრანსფერს 11 ივლისამდე შეათანხმებს. ინფორმაციას ამის შესახებ ესპანური გამოცემა As-ი ავრცელებს.
გუნდი წინასასეზონო მომზადებას სწორედ ამ პერიოდში იწყებს. ესპანელმა დამრიგებელმა ჟოან ლაპორტასგან პირობა მიიღო, რომ ტრანსფერი არ გაჭიანურდება.
თუმცა "ბაიერნი" დათმობაზე წასვლას არ აპირებს და პოლონელი ფორვარდის სანაცვლოდ 50 მილიონ ევროს ითხოვს.
შეგახსენებთ, "ბარსელონას" ივლისის თვეში ანდრეას კრისტენსენი და ფრანკ კესი შეუერთდებიან.
მომზადებულია Sports-ის მიხედვით
