ვინისუს ჟუნიორის "ფლამენგოდან" მადრიდის "რეალში" გადასვლის დეტალები გახდა ცნობილი.Cadena Cope-ის ცნობით, ბრაზილიელის გადაბირება "ბარსელონასაც" სურდა. კატალონიელები მისით ჯერ კიდევ მაშინ დაინტერესდნენ, როცა ის 17-წლამდელთა მსოფლიოს ჩემპიონატზე თამაშობდა.
"ბარსელონამ" ვინისუსის აგენტთან მოლაპარაკება გამართა და გადასვლაზე შეუთანხმდა.
თუმცა "ფლამენგომ" მასთან კონტრაქტი გაახანგრძლივა და ფასი 45 მლნ ევრო დაადო. ტრანსფერის თანხის გარდა, კიდევ 8 მლნ ევრო შუამავლებისთვის და 8 მლნ ევრო ვინისუსის ოჯახისთვის იყო გადასახდელი.
მიუხედავად "ბარსელონასთან" წინასწარი შეთანხმებისა, "რეალმა" მაინც შეძლო ვინისუსის ყიდვა და მასში 61 მლნ ევრო გადაიხადა.
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
