ESPN: "ბარსელონაში" დიდი წმენდა დაიწყება - ეს მხოლოდ სამ ფეხბურთელს არ შეეხება

ESPN-ის მტკიცებით, "ბარსელონა" უახლოესი სატრანსფერო ფანჯრისას მზადაა ყველა ფეხბურთელს დაემშვიდობოს, გარდა მეკარე მარკ-ანდრე ტერ შტეგენისა, ნახევარმცველ ფრენკი დე იონგისა და თავდამსხმელ ლეო მესისა.

გამოცემის ცნობით, "ბარსას" ხელმძღვანელებს ესმით, რომ კორონავირუსით გამოწვეული ფინანსური კრიზისისას ტრანსფერების განსახორციელებლად რიგი ფეხბურთელების გაყიდვა მოუწევთ.

კატალონიური კლუბი მარჯვენა მცველისა და ცენტრალური ნახევარმცველის დამატებას, აგრეთვე თავდამსხმელების - ლაუტარო მარტინესის (ინტერი) და ნეიმარის (პსჟ) შეძენას აპირებს.

ამ მიზნების განსახორციელებლად "ბარსელონა" პირველ რიგში ფორვარდ ანტუან გრიზმანის გაყიდვას შეეცდება, რომელმაც იმედები ვერ გაამართლა. ასევე შეიძლება გუნდი ჟორდი ალბამ, ჟერარ პიკემ და სერხიო ბუსკეტსმა დატოვონ.

მოკლედ, ESPN ირწმუნება, რომ მომავალი სეზონისთვის "ბარსა" სერიოზულად გადახალისდება.

სეტიენი ლა ლიგას ვადამდე დასრულებზე: ასეთი ჩემპიონობა არ მინდა

"ბარსელონამ" "ევერტონს" კოუტინიოს შეძენა შესთავაზა