ესპანეთის თასის მეოთხედფინალში „ბარსელონა“ სტუმრად „ბილბაოსთან“ 2:4 დამარცხდა.
მასპინძლები 36-ე წამზე გურუსეტამ დააწინაურა, რის შემდეგაც აგირესაბალას კარი ლევანდოვსკიმ და იამალმა დალაშქრეს და კატალონიურმა გუნდმა პირველი ტაიმი 2:1 მოიგო. შესვენების შემდეგ სანსეტმა ანგარიში გაათანაბრა. შეხვედრის ძირითადი დრო 2:2 დასრულდა, დამატებით დროში კი პენიას ი. ვილიამსმა და ნ. ვილიამსმა გაუტანეს და ბასკები ნახევარფინალში გავიდნენ.
ლევანდოვსკიმ ბოლო 6 მატჩში 4 გოლი გაიტანა - მის ანგარიშზე „ბარსაში“ 74 შეხვედრაში 45 გოლია.
ბილბაო. „სან მამესი“
ბილბაო - ბარსელონა 4:2 (ძირ. დრო 2:2)
გოლები: 1:0 გურუსეტა
(1), 1:1 ლევანდოვსკი (26), 1:2 იამალი (32), 2:2 სანსეტი (49), 3:2 ი. ვილიამსი (107), ნ. ვილიამსი (120+1)
„ჟირონა“ მოულოდნელად გასვლაზე 2:3 დამარცხდა „მალიორკასთან“, რომელიც 67-ე წუთიდან რიცხობრივ უმცირესობაში იმყოფებოდა - ამით შეწყდა ყველა ტურნირზე „ჟირონას“ 17-მატჩიანი წაუგებელი სერია (14 მოგება, 3 ფრე).
ადრე ნახევარფინალის საგზური "სოსიედადმა" მოიპოვა. დღეს „ატლეტიკო“ „სევილიას“ უმასპინძლებს.
ჟოზე მოურინიო ბარსელონაში ჩაფრინდა - როგორი იყო მისი რეაქცია, როდესაც კატალონიური გრანდის შესაძლო მწვრთნელობაზე ჰკითხეს [VIDEO]
