"ბარსელონასა" და "მანჩესტერის" მატჩზე ევროპის ლიგის ახალი რეკორდი დაფიქსირდა

ევროპის ლიგის 1/16-ფინალში "ბარსელონამ" "მანჩესტერ იუნაიტედს" უმასპინძლა და უხვგოლიანი ფრე, 2:2 ითამაშა.

აღსანიშნავია, რომ ამ მატჩს 90,255 ადამიანი დაესწრო, რაც უეფას რანგით მეორე ტურნირის ახალი რეკორდია.

აქამდე საუკეთესო მაჩვენებელი "უემბლიზე" 2017 წლის 23 თებერვალს გამართულ დაპირისპირებას ჰქონდა დაფიქსირებული, როდესაც 80,465 ადამიანის თვალწინ ერთმანეთს ევროპის ლიგის 1/16-ფინალში "ტოტენჰემი" და "გენტი" შეხვდნენ.