რა ითქვა "არსენალი" - "ლესტერის" ნამატჩევს?

არსენ ვენგერი (არსენალის მენეჯერი): "მებრძოლი ხასიათი გამოვავლინეთ და ბოლომდე წინ მივიწევდით. ზოგიერთი გოლი შეგვეძლო არ გაგვეშვა. ამაზე ვიმუშავებთ. ჟირუ? მე მიყვარს ის როგორც პიროვნება და ფეხბურთელი, ფანტასტიკური ბიჭია. არ უნდა ჩვენგან წასვლა. ერთი პირობა წასასვლელად კარი ღია დავუტოვე, რადგან ბევრი თავდამსხმელი გვყავს, მაგრამ მან დარჩენა არჩია. წინ უამრავი მატჩი გველის და თავის გამოჩენის საშუალებას ყველა ფორვარდს მივცემ. ამ სეზონში პრემიერლიგის მოგება 6-7 გუნდს შეუძლია, რაც ჩემპიონატს საინტერესოს ხდის. ყოველი დაკარგული ქულა ძვირად დაგვიჯდება".

კრეიგ შექსპირი (ლესტერის მენეჯერი):"შეხვედრის წინ ფეხბურთელებს კომპაქტურად თამაში და სწრაფი ვარდისთვის მომენტების შექმნა დავავალე. სამწუხაროა სამი გოლის გატანის შემდეგ სახლში უქულოდ დაბრუნება. იოზილმა ხელით ითამაშა და ამის მერე მოიპოვეს ჯარიმის უფლება, რასაც გოლი მოყვა. სტანდარტულებისას უკეთ გვმართებს თავდაცვა. ეს წაგება არ გაგვტეხს, მთელი სეზონი წინა გვაქვს. "ემირეითსზე" მსგავსი პრობლემები ადრეც შეგვქმნია. მეტოქე უფრო ხშირად ფლობდა ბურთს, რადგან ტოპ-ფეხბურთელები ყავს. ასევე თუ გავაგრძელებთ თამაშს, ქულებს დავაგროვებთ".