26 დეკემბერს, პრემიერლიგის მე-19 ტურში "ტოტენჰემმა" საკუთარ მოედანზე 2:1 დაამარცხა "ბრაიტონი".
"ტოტენჰემი" 29 ქულით მეხუთე ადგილზეა და 28 დეკემბერს სტუმრად "ნორვიჩს" შეხვდება.
ალიმ მიმდინარე სეზონში პრემიერლიგაში 6 გოლი გაიტანა - მთელ წინა ჩემპიონატზე კი 5.
ლონდონი. "ტოტენჰემ ჰოთსპური". 56 308 მაყურებელი
ტოტენჰემი - ბრაიტონი 2:1
გოლები: 0:1 უებსტერი (37), 1:1 კეინი (53), 2:1 დელე ალი (72)
ნამატჩევს "დეზების" მწვრთნელმა ჟოზე მოურინიომ თქვა, რომ მეორე ტაიმი უკეთ ჩაატარეს, ზედიზედ ორი მატჩის წაგების უფლება არ ჰქონდათ და მომავალი შეხვედრისთვის ძალების აღდგენა უნდა მოახერხონ.
