ჟურნალისტი ენდრიუ ტოდოსი ირწმუნება, რომ "მანჩესტერი" კიევის "დინამოსა" და უკრაინის ნაკრების მეკარის გეორგი ბუსჩანის გადაბირებიეთაა დაინტერესებული და გუშინ ჩემპიონთა ლიგის პლეი-ოფის მატჩზე "დინამოსა" და "ბენფიკას" შორის სკაუტებიც ჰყავდა მივლენილი. 28 წლის კიპერი კიევური გუნდის აღზრდილია და მას უკრაინულ გუნდთან კონტრაქტი 2026 წლამდე აკავშირებს. იწერება იმის შესახებაც, რომ ბუსჩანის სამსახურით "ვესტ ჰემიცაა" დაინტერესებული.
მოგეხსენებათ, "წითელი ეშმაკების" სახელს საქართველოს ნაკრების მეკარე გიორგი მამარდაშვილსაც აქტიურად უკავშირებენ. შესაძლოა, "მანჩესტერმა" არჩევნი საქართველოსა და უკრაინის ნაკრებების მეკარეებიდან ერთ–ერთზე - გიორგისა და გეორგის შორისაც გააკეთოს...
გუნდი, რომელიც ტოპ მეკარეს (დე ხეას ვგულისხმობ) ასე მკაცრად სჯის, რა გასაკვირი იქნება, რომ მის შემცვლელს უარესად არ მოექცეს?