Gazzetta dello Sport-ი ავრცელებს ინფორმაციას, რომ "მილანს" კარლოს ბაკას გაშვება უნდა, მაგრამ კოლუმბიელი ფორვარდი არავის მიჰყავს. 31 წლის თავდამსხმელმა გასული სეზონი იჯარით "ვილიარეალში" გაატარა, სადაც 18 გოლიც შეაგდო.
წესითა და რიგით, სწორედ "ყვითელი წყალქვეშა ნავი" უნდა ყოფილიყო ის გუნდი, რომელიც სამხრეთამერიკელის გამოსასყიდ თანხას გადაიხდიდა, მაგრამ ასე არ მოხდა.
"როსონერიმ" ფეხბურთელის სანაცვლოდ 15 მილიონი ევრო მოითხოვა, ესპანელები კი მაქსიმუმ 13 მილიონის გადახდაზე იყვნენ ყაბულს, რის გამოც გარიგება არ შედგა.
თავის მხრივ კი, ჯენარო გატუზო აცხადებს, რომ ბაკა მის გეგმებში არ შედის
იტალიური პრესის მტკიცებით, "მილანს" კოლუმბიელ ფორვარდთან დაკავშირებით არანაირი შეთავაზება ამ ეტაპზე არ აქვს.
![alt](/pictures/image50/a4533dd6e45509668457ac2ce39b2b9e.jpg ""მილანს" კარლოს ბაკას გაშვება უნდა, მაგრამ კოლუმბიელი არავის მიჰყავს")
"ვილიარეალმა" უარი თქვა - კარლოს ბაკა "მილანში" დაბრუნდება
