მსოფლიოს ჩემპიონატის 1/8 ფინალში რუსეთის ნაკრებმა პენალტების სერიაში ესპანეთი დაამარცხა და მეოთხედფინალში გავიდა.როგორც მოსალოდნელი იყო, რუსეთის ნაკრების მწვრთნელმა, სტანისლავ ჩერჩესოვმა დაცვითი სტრატეგია აირჩია და ძირითად შემადგენლობაში 5 მცველი დააყენა. ჩერჩესოვმა თქვა, ინიციატივას მეტოქე არ დავუთმობთ, ბურთი კი ღმერთმა მშვიდობაში მოახმაროთო.
ფურია როხას ნახევარმცველმა, დავიდ სილვამ აღნიშნა, რომ რუსეთს შეუძლია ღრმა დაცვაში ჩადგომა და მათმა თავკაცმა ფერნანდო იერომ ანდრეს ინიესტა თადარიგში დატოვა. სამაგიეროდ პირველად ათამაშა ძირითადში ასენსიო.
უკვე მე-12 წუთზე საჯარიმოში ჩაწოდებულ ბურთზე სერხიო რამოსთან ბრძოლისას იგნაშევიჩმა ბურთს საკუთარი კარის ბადეში მიუჩინა ადგილი და მასპინძლებს მთელი თავიანთი გეგმა ჩაეშალათ. ამის შემდეგაც გააგრძელეს სტუმრებმა ბურთზე კონტროლი, ერთი გუნდი ფეხბურთს თამაშობდა, მეორე კი თამაშში ხელის შეშლას ცდილობდა.
პირველი მომენტი რუსებს 34-ე წუთზე ჰქონდათ, მაგრამ გოლოვინმა ბურთი მიზანს ააცილა. ტაიმის დასასრულს კი საჯარიმოში ჩაწოდებული ბურთი პიკეს ხელზე მოხვდა და თერთმეტმეტრიანი ძიუბამ გამოიყენა.
ua-football.com: მახინჯურად მოთამაშე რუსეთი მეოთხედფინალში მსაჯმა ბიორნ კუიპერსმა გააღოღა
მოკლედ, პირველ ტაიმში ბურთის ფლობის უპირატესობა კი ჰქონდა ესპანეთს, მაგრამ სახიფათო მომენტების შექმნა უჭირდა. პირველად ბურთი კარში 45-ე წუთზე დაარტყა, კუთხური კი 59-ე წუთზე ჩააწოდა.
დრო გადიოდა, ფურია როხა ვერაფრის შეცვლას ვერ ახერხებდა, ჩერჩესოვმა კი ჯერ სამედოვი ჩერიშევით, ხოლო შემდეგ ძიუბა სმოლოვით შეცვალა. იერომ საპასუხოდ დავიდ სილვას ნაცვლად მოედანზე ინიესტა, ტრავმირებული ნაჩოს ნაცვლად კი კარვახალი შეუშვა.
სტუმართა იერიშებს სიმწვავე აკლდა, დიეგო კოშტა მშრალ ულუფაზე იმყოფებოდა და მე-80 წუთზე ასპასმა შეცვალა. 85-ე წუთზე ინიესტას დარტყმული ბურთი აკინფეევმა მოიგერია, დამატებაზე კი ასპასს გოლის გატანა ისევ მეკარემ არ დაანება, ძირითადი დრო 1:1 დასრულდა და დამატებითი დრო დაინიშნა.
დამატებით დროში შეცვლაზე შესულმა როდრიგომ თამაში კი გაამწვავა, მაგრამ ამან შედეგი ვერ გამოიღო, თერთმეტმეტრიანების სერიაში კი რუსებმა იმარჯვეს და მეოთხედგინალში გავიდნენ.
კვირა. 1 ივლისი. მოსკოვი. "ლუჟნიკები". 78 011 მაყურებელი
რუსეთი - ესპანეთი 1:1 (პენ. 4:3)
გოლები: 0:1 იგნაშევიჩი (12, საკ. კარში), 1:1 ძიუბა (41, პენ)
რუსეთი: აკინფეევი, ფერნანდესი, იგნაშევიჩი, კუტეპოვი, კუდრიაშოვი, ჟირკოვი (გრანატი 46), სამედოვი(ჩერიშევი 61), ზობნინი, კუზიაევი (ერიოხინი 98), გოლოვინი, ძიუბა (სმოლოვი 65)
ესპანეთი: დე ხეა, ნაჩო, პიკე, სერხიო რამოსი, ალბა, ბუსკეტსი, კოკე, ასენსიო (როდრიგო 105), დავიდ სილვა (ინიესტა 67), ისკო, დიეგო კოშტა (ასპასი 80)
ფერნანდო იერო: ეს ჩავარდნა და ფიასკო არ იყო
![კლასმა თავისი გაიტანა - საქართველოს ნაკრებმა ესპანეთს მხოლოდ ერთი ტაიმი გაუძლო [VIDEO]](/pictures/image7/c835ef8c07c3b0b161cd10098dd09965.jpeg "კლასმა თავისი გაიტანა - საქართველოს ნაკრებმა ესპანეთს მხოლოდ ერთი ტაიმი გაუძლო [VIDEO]")
![ესპანეთი - საქართველო. 1:1 პირველი ტაიმის შემდეგ [VIDEO]](/pictures/image7/feb3e42ce43c66ba5a3bb14038223f77.jpg "ესპანეთი - საქართველო. 1:1 პირველი ტაიმის შემდეგ [VIDEO]")
რუსებმა რაც დაგეგმეს შეასრულეს, გადაკეტეს ზონები და ფეხი არ გაანძრევინეს ესპანელებს. თავად ესპანელებმა რა დაგეგმეს, გაუთავებელი ბურთის გორაობა მოედნის ცენტრში? უკან პაესბი? დააკვირდით, ბუსკეტსი და კოკე 120 წუთი შეუცვლელად, ე.ი. იეროსაც ეშინოდა და ვერ გაბედა სილვა და ინიესტა ერთად? ანუ ორი ჩამშლელი შემოქმედებითი ფეხბურთის ზეიმია, ხოლო ძიუბას მიერ რამოსთან და პიკესთან მოგებული თითქმის ყველა მაღალი ბურთი ანტიფეხბურთი?
მტერი მტერია, მაგრამ წმინდა საფეხბურთო საკითხების მსგავს კონტექსტში განხილვა სიბეცეა და მეტი არაფერი.
მაგრამ, ეს საიტი სპორტულია და იმას შევეხები, თუ რაში იკვეთება კონკრეტულად ამერიკის პროპაგანდა მსოფლიო ჩემპიონატებზე: გუშინდელ თამაშს ვუყურე. დაცვითი ფეხბურთი ითამაშა და გაუმართლა, რადგან თავისზე ძლიერ ესპანეთთან სხვა შანსი არ ქონდა. ამერიკული პროპაგანდის გავლენა კი სწორედ იმაშია, რომ ასეთ თამაშებზე ყველაფერს შეთხზავენ, გაყიდული იყო, დოპინგი ქონდათ მიღებული და ა.შ. 2002 წლის მუნდიალზე, რომელიც იაპონია–კორეაში ჩატარდა, სამხრეთ კორეის ნაკრებმა მეოთხედფინალში სწორედ ესპანეთი გამოაგდო ასეთი პენლებით, თან + ესპანელებს 2 ნაღდი გოლი არ ჩაუთვალა მსაჯმა, რაც ამ შემთხვევაში არ მომხდარა. რატომ მაშინ არავინ ატეხა ხმაური? იმიტომ რომ სამხრეთ კორეა ამერიკის დაქვემდებარებული ქვეყანაა და მსოფლიო ბატონის წინააღმდეგ ვინ რას გაბედავდა. რუსეთი კი ამერიკის პოლიტიკური მოწინააღმდეგეა და ყველანაირი დეზინფორმაციით ცდილობენ მის დამცირებას. აი ამ შუაშია ამერიკული პროპაგანდა! ეს მათთვის ვინც დღემდე ვერ გაიგო ამერიკული პროპაგანდის შედეგები. რუსული ფეხბურთი თავისი ტრადიციებით გაცილებით ძლიერია სამხრეთ კორეულზე. გვინდა თუ არ გვინდა ეს ასეა. რუსეთზე ნათქვამი ძალიანა ხვდება ყურსა და გულს, იმიტომ რომ ის ჩვენი პოლიტიკური მოწინააღმდეგე და ოკუპანტია.
https://www.youtube.com/watch?v=O9whHlSMolU
https://www.youtube.com/watch?v=I1j8RL1KxQI
https://www.youtube.com/watch?v=Eq1hgw3tjQc
და თვითონ დარწმუნდები. საკუთარ თავზე სიცილით შეიძლება ქვეშ ჩაიფსა.
ოჰ რა მაგრა ულაყებენ თავს ამ ახალგაზრდობას ამერიკელები თავისი პროპაგანდით.
https://www.youtube.com/watch?v=O9whHlSMolU
https://www.youtube.com/watch?v=I1j8RL1KxQI
https://www.youtube.com/watch?v=Eq1hgw3tjQc
ამ ცრუ პროპაგანდას თუ მივყვებით სტალინი და ჰიტლერი მეობრები ყოფილან, მეორე მსოფლიო ომი კი ამერიკას მოუგია და ბევრი სხვა სისულელე. მერწმუნეთ, ფეხბურთი და სპორტიც ამ დიდი პროპაგანდის შემადგენელი ნაწილია. არ მინდა პოლიტიკაში გადავიდე, მაგრამ ერთს ვიტყვი: ცუდია როცა მტერი გბომბავს და ხალხს გიწიოკებს, მაგრამ ისიც ცუდია, როდესაც მეგობარი ამ მტრის წინააღმდეგ გიყენებს და თავს ათასი სისულელით გილაყებს და სიცრუეში გამყოფებს...