"მსოფლიო ჩემპიონატს კამერუნი მოიგებს" - ეტო'ოს საკუთარი ქვეყნის სჯერა

კამერუნის ფეხბურთის ფედერაციის პრეზიდენტმა სამუელ ეტო'ომ თქვა, რომ მსოფლიო ჩემპიონატს მისი ქვეყნის ნაკრები მოიგებს.

"აფრიკულ ნაკრებებს არა მარტო მუნდიალზე მონაწილეობა, არამედ მისი მოგებაც შეუძლიათ. ვფიქრობ, მსოფლიო ჩემპიონატის ფინალში კამერუნი მაროკოს დაამარცხებს", - ამბობს ეტო'ო.

ეტო'ოს თანამემამულეებს ამისთვის გვარიანი გარჯა ჯერ კიდევ ჯგუფში მოუწევთ, რადგან იქ ისეთი ნაკრებები ჰყავთ, როგორებიც ბრაზილია, სერბეთი და შვეიცარიაა.