ლეგენდარულმა არგენტინელმა ფეხბურთელმა ლიონელ მესიმ ის ოთხი ფეხბურთელი დაასახელა, რომლებიც მისი თანაგუნდელები იყცნენ და მოედანზე მათთან თავს კომფორტულად გრძნობდა. 35 წლის შემტევმა ასეთებად ლუის სუარესი, ნეიმარი, ხავი და სამუელ ეტო'ო მიიჩნია.
აქვე გეტყვით, რომ ავტორიტეტული იტალიელი ჟურნალისტის, ფაბრიციო რომანოს ინფორმაციით, ლეოს ყოფილმა გუნდმა პსჟ-მა არგენტინელის შემცვლელი დაიმატა. "პარკ დე ფრანსის" ბინადრებმა "მალიორკასთან" შეთანხმებას მიაღწიეს და 22 წლის სამხრეთკორეელი შემტევი ნახევარმცველი ლი კანგ ინი საფრანგეთის დედაქალაქში გადაბარგდება. ახლა ტრანსფერის ბოლო დეტალები თანხმდება და გარიგება მალე ოფიციალურად გამოცხადდება.
![მესის საგოლე პასი და ლაუტარო მარტინესის ულამაზესი გოლი პერუსთან [VIDEO]](/pictures/image7/25c06cac30defd4149f49eb371b8b6cb.jpg "მესის საგოლე პასი და ლაუტარო მარტინესის ულამაზესი გოლი პერუსთან [VIDEO]")
