ბრაზილიელი რონალდო ლიონელ მესისა და არგენტინის ჩემპიონობას ეხმაურება

ლეგენდარული ბრაზილიელი ფეხბურთელი რონალდო 2022 წლის მსოფლიო ჩემპიონატზე არგენტინის გამარჯვებას ეხმაურება და "ალბისელესტეს" კაპიტან ლიონელ მესის ამ დიდ წარმატებას ულოცავს:

"ამ ბიჭის ფეხბურთი ნებისმიერ მეტოქეს კუთხეში აყენებს. ბევრი ბრაზილიელი, ისევე, როგორც ხალხი მთელი მსოფლიოდან, ფინალში სწორედ ლეოს გულშემატკივრობდა.

გენიოსის ღირსეული დამშვიდობება, რომელიც არა მხოლოდ საუკეთესო იყო მსოფლიო ჩემპიონატზე, არამედ მთელი ეპოქის კაპიტანია! გილოცავ, მესი!", - წერს რონალდო სოციალურ ქსელში.