საფრანგეთის თასის 1/8 ფინალში მოქმედი გამარჯვებული პსჟ მეორელიგელ "ლე მანს" სტუმრად, "სტად მარი-მარვინგტზე"(25 064) ეთამაშება - დღეს საღამოს, 4 თებერვალს(თბილისის დროით უკვე ოთხშაბათს, 00:10 სთ-ზე).პარიზელებს თასის წინა ეტაპზე მესამე ლიგის წარმომადგენელთან საკმაოდ გაუჭირდათ და "ესპალის" წინააღმდეგობა ბოლოსღა დაძლიეს (გოლები: ზაირე-ემერი, დუე, ბარკოლა, რამოში). პსჟ ამ სტადიაზე მეთორმეტედ გავიდა და ამ პერიოდში შვიდჯერ თასი აღმართა. ბოლო ფინალი "ლიონის" წინააღმდეგ (2:1 მოიგეს) იყო. 59 მატჩია, ლუის ენრიკეს გუნდს საშინაო არენაზე არ წაუგია.
ზაირე-ემერი და ნევეში არ მომჯობინებულან. მოსალოდნელია, რომ დიდებულ ფორმაში
"ლე მანს" პსჟ-სთან იშვიათი გამარჯვება 2010 წელს (1:0) აქვს, როცა მათ კარს თბილისის "დინამოდან" წასული დიდიე ოვონო იცავდა, სათადარიგო კი გიორგი მაკარიძე იყო(მანამდე აქ ამირან სანაია გამოდიოდა). დედაქალაქელთა რიგებში იმ მატჩში მამადუ სახო თამაშობდა, რომელიც ახლა ქუთაისის "ტორპედოშია." პარიზელებს მაშინ მაკელელე კაპიტნობდა, აქ იყო სერბი მატია კეჟმანი...
პსჟსა და ხვიჩა კვარაცხელიას მართლაც დატვირთული კალენდარი აქვთ - ამის შემდეგ, პარასკევს, "მონაკოსთან" შეხვედრაა, შემდეგი ორი შუა კვირა კი ჩემპიონთა ლიგის პლეი-ოფს დაეთმობა. თებერვლის ბოლოს გიორგი მიქაუტაძის "ლიონთან" პრინციპული დაპირისპირებაა.
დღეს, "ლე მანთან" მთავარი მსაჯი საერთაშორისო დონეზე ნაკლებად ცნობილი, 39 წლის აბდელატიფ ხერაჯი იქნება.
როგორ ითამაშა კვარაცხელიამ - სირთულეები, სიახლეები, პერსპექტივები...
მანამდე კი გუნდის არაბი მფლობელი მიზნის მისაღწევად, რომელიც ცხადია ჩემპიონთა ლიგის მოგებაა ყველაფერს გააკეთებს.
პრინციპში ხვიჩას მიზანიც ხო მაგია!
ხვიჩას საკმარისი დრო და ყველანაირი პირობა აქვს (ხელფასი კარგი, გარემო კარგი...) რომ ჩამოყალიბდეს ევროპის ერთ-ერთ უძლიერეს ფეხბურთელად!
წარმატებები ხვიჩას!
ღმერთი ჩვენსკენ, ყველასკენ ბიჭებო!