საფეხბურთო თერთმეტეული, რომლებსაც კრიმინალთან კავშირი ჰქონდათ

ესპანურმა "მარკამ" ის საფეხბურთო თერთმეტეული შეადგინა, რომლებსაც კრიმინალთან კავშირი ჰქონდათ და კანონთან პრობლემები შეექმნათ.

პორტუგალიის ნაკრების მეკარე ბრუნო ფერნანდეშს 22 წელი იმიტომ მიუსაჯეს, რომ თავისი შვილის დედის მკვლელობა შეუკვეთა.

პსჟ-ს მცველ სერჟ ორიეს ორი თვე მიუსაჯეს, რადგან ღამის კლუბიდან გამოსვლისას, თავს პოლიციელს დაესხა.

"ვილიარეალის" ცენტრალურ მცველ რუბენ სემედოს მკვლელობის მცდელობას აბრალებენ, თუმცა ის ამას უარყოფს.

ბრაზილიელ ბრუნო როდრიგესს გერმანიაში საკუთარი სახლის დაწვის გამო 3 წლით და 9 თვით თავისუფლების აღკვეთა მიუსაჯეს.

მარცხენა მცველ ალექს ზატარეს გაუპატიურების გამო 6 წელი მიუსაჯეს.

ანალოგიური მიზეზით და ამავე პერიოდის გატარება მოუწევს საკანში "სანდერლენდის" ყოფილ მცველ ადამ ჯონსონსაც.

ჯოი ბარტონმა 74-დღიანი სასჯელი ფიზიკური თავდასხმის გამო მოიხადა.

ბულგარელ იორდან ლეტჩკოვს 2 წელი ძალაუფლების გადამეტების გამო მიესაჯა, როცა ის თავისი მშობლიური ქალაქის მერი იყო.

"რასინგის" ფეხბურთელ რიკარდო სენტურიონს პოლიციელის მოქრთამვის ფაქტზე წაასწრეს, რის გამოც მას ერთიდან 6 წლამდე თავისუფლების აღკვეთა ემუქრება.

ტურინის "იუვენტუსის" ყოფილ თავდამსხმელს მიკელე პადოვანოს ნარკოტიკებთან დაკავშირებული ბრალდებების გამო 8 წლით და 8 თვით თავისუფლების აღკვეთა მიუსაჯეს.

რობინიოს ჯგუფური გაუპატიურების გამო 9 წელი მიესაჯა.

ხამეს როდრიგესის პირველ მწვრთნელი ელკინ მონკადა პედოფილიის გამო დაიჭირეს.