ტატა მარტინომ ფეხბურთელი კლუბიდან თანაგუნდელის მეგობარ გოგონასთან სექსის გამო მოკვეთა

MLS-ის კლუბ "ატლანტა იუნაიტედს" ჩემპიონატში საქმე კარგად მისდის და პირველობასაც დამაჯერებლად ლიდერობს, თუმცა კლუბის შიდა სამზარეულოში არეულობაა.

გუნდის სახელოვანმა მთავარმა მწვრთნელმა ტატა მარტინომ, რომელიც ერთი ხანობა "ბარსელონასა" და არგენტინის ნაკრებსაც მოძღვრავდა, ბოლო მატჩში ძირითადი შემადგენლობის ფორვარდი, არგენტინელი ეზეკილ ბარკო განაცხადში არ შეიყვანა.

აშშ-ის მედია აღნიშნული საკითხით დაინტერესდა და მარტინოს პრესკონფერენციაზე ჰკითხა, თუ რა იყო ამის მიზეზი. მან კი აღნიშნა, რომ ის დისციპლინის დარღვევისთვის დაისაჯა.

როგორც შემდეგ გაირკვა, 19 წლის ბარკოს სექსი მისივე თანაგუნდელ ბრენდონ ვასკესის მეგობარ გოგონა ალისია მონიკესთან ჰქონდა.

ამის გამო კლუბის შიდა სამზარეულოში დიდი არეულობა ყოფილა და მარტინოსაც ფეხბურთელის დასჯა ასე გადაუწყვეტია.

გავრცელებული ინფორმაციით, ბარკო ერთ თამაშს კიდევ გამოტოვებს. საინტერესოა, როგორ შეეწყობიან ის და ვასკესი ერთმანეთს, რადგან ორივე ფორვარდის პოზიციაზე თამაშობს...