"რომაზე" ფოკუსირება სურს" - მოურინიომ პორტუგალიის ნაკრების ჩაბარება იუარა

როგორც გაცნობეთ, პორტუგალიის ფეხბურთის ფედერაციამ მუნდიალზე განცდილი ფიასკოს შემდეგ, ნაკრების მთავარი მწვრთნელი ფერნანდუ სანტუში თანამდებობიდან გაათავისუფლა.

იტალიური გამოცემები წერდნენ იმის შესახებ, რომ პორტუგალიის ნაკრების მწვრთნელობა ჟოზე მოურინიოს შესთავაზეს, თუმცა Sky Italia-ს ცნობით, ჟოზემ ეს წინადადება უარყო, რადგან 59 წლის სპეციალისტს მხოლოდ "რომაზე" ფოკუსირება სურს.

მოურინიოს კონტრაქტი დედაქალაქურ კლუბთან 2024 წელს ეწურება. "ჯალოროსი" სერია A-ს გათამაშებაში 27 ქულით მე-7 ადგილს იკავებს.

მომზადებულია Sports-ის მიხედვით