თურქეთში შეკრებაზე უკრაინული "მინაისა" და რუსული "შინიკის" ფეხბურთელებმა იჩხუბეს.
Матч ТВ-ის ცნობით, "შინიკის" რამდენიმე მოთამაშეს თითების და ნეკნების მოტეხილობა აქვს, ერთს კი - თვალთან ჰემატომა. საკმაოდ სერიოზული დაზიანებები მიიღეს უკრაინელებმაც.
"ბომბარდირი" იტყობინება, რომ "შინიკის" ნასვამ მდგომარეობაში მყოფმა ფეხბურთელმა ტუალეტში აღებინა და დამლაგებელ ქალს შეურაცხყოფა მიაყენა. "მინაის" თავდამსხმელმა დანილ კოლესნიკმა რუსს შენიშვნა მისცა, რის შემდეგაც მასობრივი ჩხუბი დაიწყო.
"მინაიმ" სასტუმროს დაჯავშნისას მოითხოვა, რომ იქ რუსი ფეხბურთელები არ ყოფილიყვნენ, მაგრამ თურქეთში მომხდარი მიწისძვრის სიტუაციის გამო ისინი მაინც შეასახლეს.
რუსული მხარის მტკიცებით, კონფლიქტის მიზეზი ის იყო, რომ "მინაის" წარმომადგენლებმა "შინიკის" დირექტორს უკრაინის ჰიმნის შესრულება მოსთხოვეს. ამ ინფორმაციას უკრაინელი ჟურნალისტი მიხაილ სპივაკოვსკი უარყოფს.
შემთხვევის ადგილზე პოლიციის და სასწრაფო დახმარების გამოძახება დასჭირდათ და ორივე გუნდს სასტუმროს დატოვება მოუწია.
"მინაის" მცველმა დმიტრი ნემჩანინოვმა ua-football-ს განუცხადა, რომ რუსები ღორებივით იქცეოდნენ, შანსი მიეცათ, გამოიყენეს და მაგრად სცემეს, მათგან არავინ დაშავებულა, "შინიკის" ზოგიერთ ფეხბურთელს კი ნაკერი დაადეს, ხოლო ზოგიერთს ნეკნი აქვს გატეხილი.
დღეს "შახტარმა" ანტალიაში იმ სასტუმროში დაბინავებაზე უარი განაცხადა, სადაც მოსკოვის ცსკა და "დინამო" იმყოფებოდნენ.
"დიდება რუსეთს" - ამ შეძახილის გამო "შახტარის" ფეხბურთელმა რუს ადამიანს ხელი გაარტყა და თავის ტვინის დაზიანება მიაყენა
!["შახტარმა" მოიგო - აზაროვმა 90 წუთი ითამაშა, გოჩოლეიშვილმა წითელი ბარათის გამო გამოტოვა [VIDEO]](/pictures/image7/c7e248e1eb0389b373891980b3b3b18a.jpg "\"შახტარმა\" მოიგო - აზაროვმა 90 წუთი ითამაშა, გოჩოლეიშვილმა წითელი ბარათის გამო გამოტოვა [VIDEO]")
"შეგახსენებთ, რომ ევროპა რუსეთი არ არის, კასტრომა კი ვარშავა, ამიტომ გიბრძანებთ, რომ ვარშავულ ბალ – მასკარადებზე, საცეკვაო დარბაზის კუთხეებსა და სცენაზე არ მოისაქმოთ და საჭიროებისთვის ბაღის ბუჩქებში გადით. უკანალი თითებით კი არა, ფოთლებით გაიწმინდეთ, ეს დედა-რუსეთი არ არის და ევროპაში ჩვენი რუსული ჩვევები შეიძლება ვერც გაიგონ. ცეკვის დროს ქალბატონებს კორსეტებში არ ჩაუხტეთ. გახოვდეთ, რომ თქვენ ტვერში არ ხართ და „დურაკას“ არ თამაშობთ. თავადის გათხოვილ ქალებზე მათი ქმრების თანდასწრებით არ იძალადოთ. ეს ჩვენი გლეხის ქალები კი არა, ევროპელი ქალბატონები არიან და იქ ამას ვერ გაიგებენ.“