ესპანურ მედიაში საუდის არაბეთის კლუბის პრეზიდენტის, მუსალი ალ-მუამარის სიტყვები გამოჩნდა, სადაც ის ამბობს:
"ცხოვრებაში მხოლოდ ორჯერ მომატყუეს. პირველად - როცა სამი ქაბაბი შევუკვეთე და ორი მოიტანეს; მეორე იყო კრიშტიანო რონალდოსთან კონტრაქტის გაფორმება.
ალ-მუამარის განცხადების თავდაპირველი წყარო ArabiaNews50 იყო.
მოგვიანებით, "ალ-ნასრის" პრესსამსახურის ხელმძღვანელმა ამ სიტყვებს ყალბი უწოდა:
"ეს განცხადება მცდარია, ის არ შეესაბამება რეალობას
ჩვენი კლუბის პრეზიდენტი ამ ბოლო დროს ინტერვიუს არ აძლევდა. და არ არსებობს საუდის მედია, როგორიცაა ArabiaNews50. დიდი ალბათობით, ეს ვიღაცის ცუდი ხუმრობა იყო, მაგრამ ზოგიერთმა მედიამ ეს რეალურ განცხადებად მიიღო“.
საინტერესოა, რომ ამ ამბების შემდეგ კლუბის პრეზიდენტი ალ-მუამარი მოულოდნელად გადადგა.
მოსალოდნელია, რომ "ალ-ნასრის" ხელმძღვანელის თანამდებობიდან გადაყენება უახლოეს ორ დღეში დამტკიცდება, რის შემდეგაც კლუბის მთელი დირექტორთა საბჭო დაიშლება. წასვლის მიზეზად გულშემატკივრების ზეწოლა სახელდება.