მიუნხენის "ბაიერნი" ზამთრის სატრანსფერო ფანჯრის პერიოდში ჟოაო პალინიას დამატებას შეეცდება. ამის შესახებ Sky Sports-ი იტყობინება.წყაროს ცნობით, მიუხედავად იმისა, რომ ფეხბურთელმა ლონდონურ კლუბთან კონტრაქტი ახლახან გაახანგრძლივა, ეს ფაქტორი ტრანსფერს ხელს ვერ შეუშლის.
შეგახსენებთ, "რეკორდმაისტერი" ჟოაოს დამატებას ზაფხულის სატრანსფერო ფანჯრის ბოლო დღეს ცდილობდა, ფეხბურთელმა "ბაიერნის" ფორმაც მოირგო, თუმცა მოლაპარაკებები ბოლო წამს ჩაიშალა და პალინია ინგლისში დაბრუნდა.
