"გვარდიოლამ ეს მასწავლა" - მესიმ ესპანელ სპეციალისტზე ისაუბრა

მსოფლიო ფეხბურთის ვარსკვლავმა ლიონელ მესიმ "ბარსელონაში" თავის ყოფილ დამრიგებელ პეპ გვარდიოლაზე ისაუბრა.

როგორც "ლა პულგამ" AS-თან ინტერვიუში განაცხადა, გვარდიოლამ მას ფეხბურთის შესახებ უდიდესი ცოდნა შესძინა.

"სანამ გვარდიოლასთან ვიმუშავებდი, ფეხბურთის ტაქტიკურ მხარეზე საერთოდ არ ვფიქრობდი. მასთან ერთად უკეთ გავიაზრე, თუ რამხელა როლი აქვს თავისუფალი სივრცის ათვისებას, ბურთის ფლობას და მატჩის კონტროლს", - განაცხადა მესიმ.

შეგახსენებთ, მესი მაიამის "ინტერის" ღირსებას 2023 წლიდან იცავს. მას ამერიკულ კლუბთან ხელშეკრულება 2025 წლის ზაფხულში ეწურება.