11 დეკემბერს Fifa-ს პრეზიდენტმა ჯანი ინფანტინომ დაადასტურა, რომ 2034 წლის მსოფლიოს ჩემპიონატს საუდის არაბეთი უმასპინძლებს. აღნიშნულ ინფორმაციას ამ ქვეყანაში მოთამაშე "ალ ნასრის" შემტევი კრიშტიანო რონალდო გამოეხმაურა, რომელმაც ქვეყანას ეს წარმატება მიულოცა.
"ეს ამბავი საუდის არაბეთში ჩემს ყველა მეგობარს მინდა მივულოცო. ვიცი, ახლა რამდენად ამაყები ხართ და დარწმუნებული ვარ, რომ 2034 წლის მსოფლიო ჩემპიონატი ისტორიული იქნება", - დაწერა კრიშტიანომ სოციალურ ქსელში.
ინფორმაციისთვის, აზიაში მსოფლიო ჩემპიონატი მესამედ გაიმართება და სავარაუდოდ, ზამთარში ჩატარდება.
